مانا فلیكی ب مانا لاپۆرتایی ڤە گرێداییە
رۆژنامەیا مارا یا ئسپانی دیار كر یێ ئەلمانی هانز فلیك ڕاهێنەرێ یانەیا بەرشەلۆنا یا ئسپانی بڕیار دایە ئەو دێ مینیتە دگەل تیما كاتەلۆنی ب مەرجەكی هەكە خوان لاپۆرتا د هەلبژارتنێن دەستەیا گشتی وەكو سەرۆك یانە ب سەركەڤیت، لێ هەكە ب سەرنەكەڤیت ئەو دێ دەست ژ كارێ خوە بەردەت.
هانز فلیكی گۆت: ئەز بڕێیا خوان لاپۆرتا سەرۆكێ نوكە یێ یانێ هاتیمە، هەكەر ب سەركەڤت دێ مینم لێ هەكە ئێكێ دی بۆ سەرۆك ئێكسەر دێ دەست ژ كارێ خوە بەردەم، ئەڤچەندە هات پشتی دیاربووی كو ڤیكتۆر فۆنت ئێك ژ هەڤڕكێن سەرەكی بۆ لاپۆرتایی ڕاگەهاندی ئەو دێ خوە بەربژاركەت بۆ سەرۆكاتیا یانەیێ.
ل دووڤ پەرەوێ هەلبژارتێن یانەیان دڤێت یانەیا بەرشەلۆنا دناڤبەرا 15ێ ئادارێ هەتا 15ێ خزیرانا بهێت هەلبژارتنێن خوە ئەنجامبدەت، پێشتر یانەیا بەرشەلۆنا 15ێ ئادارێ بۆ هەلبژارتنان دەستنیشانكربوو لێ دبیت بچیتە 22ێ هەمان مەهـ كو دكەڤیتە رۆژا یاریێ بەرانبەر ڕایۆ ڤالیكانۆ ژ خولێ.
