پەمبلۆکێن چەرمی چ چارەسەری هەیە؟
د. فۆاد عبدالوهاب، تایبهتمهندێ نهخۆشیێن پیستی دیاركر كو فتریات میكروبهكه هندهك جارا نهخۆشیێن پیستی پهیدادكهت و ژ نیشانێن ههبوونا فتریاتا پێك دهێن ژ خوریانێ و سۆربوونێ و گروڤركا و سپینبوونا پیستی و پرچ وهریانێ و ب تایبهت ل دهف زارۆكان.
دیاركر ژی، ل دهمێ پهیدابوونا فتریاتا پێدڤیه نهخۆش سهر هدانا نۆشدارهكێ تایبهتمهند بكهت بۆ دهستنیشانكرنا نهخۆشیێ و دانا چارهسهریێ و چ ملحهم و دهرمانا ل دهف خۆ ب كارنهئینیت و گۆت: فتریات ب رێكا سێكسی و دهستكرنێ ژی دهێنه ڤهگوهاستن و دیسا ب رێكا ب كارئینانا جلكا و گهلهك خوراندنێ و ژ ئاژهلا دهێته ڤهگوهاستن و ب تایبهت ئهوێن ل سهری پهیدادبن و دیسان دناڤ رههێن زهلامانژی دا چێدبن و ههروهسا ب رێكا نڤین و جلكێن نهپاقژی ژی دهێنه ڤهگوهاستن و گوتژی: پشتی كهسهك تووشی فتریاتا دبیت، پێدڤیه جلكێن وی باش بهێنه شووتن و هشككرن.
د.فۆاد عبدالوهاب دیاركر ژی، ههكه جهێ وان گهلهك ڤهنهگرتبیت دێ ب رێكا ملحهما هێته چارهسهركرن و ههكه جه گهلهك بیت و ملحهما فایدهنهكر هندهك جارا ئهم حهبا ددهینه نهخۆشی و ههكه بهرسڤدان بۆ چارهسهریێ نهبوو ئهم پشكنینان بۆ دكهین وهكو زهرعێ یان تاقیگههێ كو بزانین كا دروست فتریاتن یان نه، چونكو هندهك نهخۆشی یێن ههین وهكو فتریاتانه بهلێ ئهو نینن.
ههروهسا دیاركر ههكه ب دروستی نههێنه چارهسهركرن، یان نهخۆش بۆ دهمێ دروست ب كارنهئینیت و ژێدهرێ وان بمینت، رهنگه دوباره بزڤرنهڤه.
بۆ خۆدووركرنێ ژ فتریاتا پێدڤیه ئێكهم جار ههكه كهسهك تووش بوو چارهسهریا خۆ دروست بكهت و ههكه نهكر دێ ڤهگوهێزیته مالیێ ههمیێ، ههروهسا هشككرن ژی یا گرنگه پشتی خۆ شووشتنێ لهش ههمی و دناڤ تبلان دا بهێنه زوهاكرن و خۆ و زارۆكان زووربكهین ژ ئاژهلێن ناڤمالێ.
