شاندەکێ رۆژئاڤایێ کوردستانێ دێ چیتە شامێ
بەرپرسەکێ رێڤەبەریا خوەسەر یا رۆژئاڤایێ کوردستانێ کو ناڤێ وی نەهاتیە ئاشکرا کرن بۆ ئاژانسا هاوار دیار کریە، پشتی رێککەفتنا ڤێ دووماهیێ یا د ناڤبەرا هەسەدێ و شامێ دا نها بەرهەڤی بۆ سەرەدانا شاندێ کوردی بۆ شامێ دهێتە کرن، ئەو شاندێ کو پشتی کۆنفرانسێ قامشلۆ د ناڤبەرا هەر دو جڤاتێن کوردی دا هاتە دروست کرن و ئەو شاند دێ وەکو نوونەرێ کوردان چیتە شامێ و ل دۆر مافێن گەلێ کورد ل سووریێ دێ ل گەل شامێ دانوستاندن هێنە کرن.
ل ئالیێ دی ئەنجوومەنێ نشتیمانی یێ کوردی ل سووریێ ژی د داخویانیەکێ دا دیار کر، د سەرەدانا وان یا بۆ شامێ دا وەکو هێزەکا کوردی وان داخوازیێن کوردان گەهاندینە شامێ و دێ هەموو بزاڤەکێ ژی کەن دا مافێن گەلێ کورد د دستوورێ نوو یێ سووریێ دا بهێنە گەرەنتیکرن و ژ بۆ ڤێ یەکێ ژی د دەمەکێ نێزیک دا شاندێ کوردی یێ رۆژئاڤایێ کوردستانێ دێ سەرەدانا شامێ کەت.
