دیلان یێشلگۆز ژ زارۆیەكا ئەكتەر بۆ جێگرا سەرۆكوەزیرێن هۆلەندا
خەلیل شنگاری
فلمەكێ دیكۆمێنتاری من هەیە ب ناڤێ «كا كوردستانا من؟» (وەلاتێ من كوردستان ل كیڤەیە؟)، ژ بەرهەمێ مەیە و ب هاریكاریا تەلەفزیۆنا هۆلەندا. خاتوین (دیلان یێشلگۆز) ڕۆلێ زارۆیەكا پەنابەرا كورد تێدا دگێڕێت، بابێ وێ ژی وەك پارێزەر تێدا دەردەكەڤیت. لد دیمەنێن دیتر دا كرێكارەكێ كورد ل هۆلەندا كاردكەت نیشاددەت كو ڕویبەڕوی چەندین ئاستەنگان دبیت، ژ وان ژی فشارێن سیاسی و گۆشەگیرینە كو ئەندامین خێزانا وی ل توركیا دكەتە ئارمانج. هەروەسا ل گەل هندەك دەردەسەریێن پەیوەست ب ئاستەنگێن زمانی و پشتبەستنا دامەزراوەیێن هۆلەندیان ب وەرگێڕانا هندەك وەرگێڕێن نەیێن كورد و لێكتێگەهشتنا شاش یێن ڤی ئەگەری و پێشێلكرنا مافان و سەرەدەریكرنا خراپ ل گەل نەخۆشان ب چارەسەرسیێن شاش كو د ئەنجام دا دروست دببن.
ئەز وەك چالاكڤانەكێ سیاسی پشكداریێ د فلمێ دا دكەم، ب رێیا دانوستاندنا ڕاستەوخۆ ل سەر چەندین مژارێن جۆراوجۆر كو پەیوەستن ب دۆزا كوردی. هەروەسا زێدەباری كارەكتەریێن دیتر ژی، ب ئارمانجا دیاركرنا دەردەسەری و كێشەیێن كوردان ل چەندین ڕەهەندێن مرۆڤاتی و سیاسی و جڤاكی دا.
فیلم ڕۆلێ كوردان و ئازار و پەراوێزخستنا وان د هەر ئێك ژ چار پارچەیێن كوردستانێ دا دیاردكەت، ب تایبەتی جەختی ل سەر وان نادادپەروەریێن كو ل ئیراقێ ڕوی ب ڕوی وان دبن، هەروەسا شەڕێ بەردەوام ل كوردستانا ئیراقێ و ئەو پێشێلكاریێن كو ژ لایێ دەستهەلاتدارێن ئێرانێ ڤە ل هەنبەری وان دهێنەكرن.
هەروەسا ب ڕێیا فلمی بانگەوازەكا ڕۆهن بۆ حوكمەتا هۆلەندا ئاراستە دكەم كو كوردێن كو هۆلەندا د ئاكنجی وەك كەمینیەكا نەتەوەیی یا سەربەخۆ و خۆدان مافێن تەمام، هەڤشێوەیێ كەمینەیێن بیانی یێن دیتر بناسن و ژ پۆلێنكرنا ئەوان ب تورك، فارس، یان عەرەبان بپارێزن، چونكو ئەوان ژ ناسنامەیا وان یا نەتەوەیی و مێژوویی ڕەتدكەن و دبیتە ئەگەرێ كێشەیێن جڤاكی، كولتووری و سیاسی، هەروەسا دەست ب سەرداگرتنا مافێن وان یێن نەتەوە و كولتووری.
د ڤی فلمی دا هونەرمەندێ كورد شڤان پەروەر ڕۆلێ مۆزیكێ و سترانا كوردی د خەباتا گەلێ كورد دا دەردبڕیت و جەختیێ ل سەر گرنگیا كولتوور و هونەرێ دكەت وەك ئامرازێ بەرخۆدانێ و دەربڕینا شووناسێ دكەت.
ئەڤ فلمە دو جاران ل سەر تەلەفزیۆنا هۆلەندی هاتیە پەخشكرن و ببوو جهێ سەرسۆرمان و نەوازەیەكا جێواز، و ب ئێك ژ گرنگترین فلمێن دیكۆمێنتاریێن ئەوروپا یا ڕۆژئاڤا دهێتە دانان ب گۆتنا پێشكێشكارێ بەرنامەی وەكی فلم ناساندی؛ پەسنا بهایێ مرۆڤی و قانوونێ و زانیاریان كریە.
ماوەیێ فلمی ٣٥ خۆلەكن ڤەدكێشیت و هەژی سەحكرنێ یە.
و/ ئەڤرۆ