زاخۆ و هەولێر د كلاسیكۆیەكا كوردستانی دا و دهۆك دێ مێڤاندارییا مووسل كەت
قەیس وەیس:
چاڤەڕێ دهێتە كرن سوبەهی و دوزبە هەشت یاری ژ هەڤڕكیێن گەڕا 18ێ یا خولا ستێرێن ئیراقێ یا فوتبۆلێ بهێنە كرن، زاخۆ و هەولێر كلاسیكۆیەكا كوردستانی دا و دهۆك جێ مێڤاندارییا یانەیا مووسل كەت، ژلایەكێ دووڤە دو یاری ژ ڤێ گەڕێ هاتینە پاشئێخستن.
دهۆك و مووسل خودانێن ئەردی نە
تیما فوتبۆلا یانەیا دهۆك دێ سوبەهی ئەینی ل دەمژمێر 5:30 ئێڤارێ مێڤاندارییا یانەیا مووسل كەت، هەرچەندە یاریگەهـ و جەماوەر یێن تیما دهۆكێ نە لێ ژبەركو مووسل ئەڤە ژ دەستپێكا خولێ یاریێن خوە ل یاریگەها دهۆكێ دكەت، لەوما ژی دهێتە هژمارتن هەردو خودانێن ئەردی نە، ئەلهۆیێن چیا خودانا 26 خالانە ل ڕێزا 10ێ ژ حەفت سەركەڤتن، چار وەكهەڤی و پێنچ خوسارەتییان، یاریزانێن دهۆكێ 19 گۆل كرینە د بەرانبەر دا 14 گۆل ل سەر هاتینە تۆماركرن، ژلایێ خوەڤە یانەیا مووسل ل ڕێزا 15ێ دهێت ب كۆمكرنا 18 خالان ژ پێنچ سەركەڤتن، سێ وەكهەڤی و نەهـ خوسارەتیان.
كلاسیكۆیا كوردستانی دێ ل پایتەختی بیت
بڕیارە ل شەمبییا بهێت یانەیا هەولێر ل یاریگەها خوە شەهید فرانسۆ حەریری مێڤاندارییا یانەیا زاخۆ بكەت ئەوا دێ ل دەمژمێر سێیێ ئێڤاری هێتە كرن، ئەڤ یارییە دهێتە هژمارتن ئێك ژ كلاسیكۆیێن گرنگ و هەموو جەماوەرێ كوردستانی چاڤەڕێ بیت، تیما زاخۆ د نوكە دا ل ڕێزا هەشتێ دهێت ب كۆمكرینا 27 خالان ژ حەفت سەركەڤتن، شەش وەكهەڤیان و پێنچ خوسارەتی هەنە، یاریزانێن وێ 25 گۆل تۆماركرینە لێ 19 گۆل ل سەر گۆلپارێزێ وان هاتیە تۆماركرن، ژلایێ خوەڤە یانەیا هەولێر ب 34 خالان ل ڕێزا چارێ دهێت ب 10 سەركەڤتن، چار وەكهەڤی و سێ خوسارەتیان.
ژ كۆپا كەنداڤی بۆ ستێرێن ئیراقێ
یانەیا زاخۆ ئەوا ل سێ شەمبییا بۆری ژ هەڤڕكیێن كۆپا كەنداڤی ل وەلاتێ كوێتێ هاتی دبیت گڤاشتنێن گەشتێ و چەستەیی ل سەر یاریزانان هەبیت كو د ڤێ یاریێ دا یا پێدڤی نیشان نەدەت، د كۆپایێ دا كوڕێن خابۆری شیاینە دەربازبنە قووناغا پێش دووماهیێ دبیت ئەڤ دەربازبوونە ببیتە پێنگاڤەك بۆ یارییا ئەڤرۆ، لێ یانەیا هەولێر ئەوا ئەڤە سێ حەفتییە سەرێ لیستێ ژ دەستدایی دێ هەموو بزاڤان كەت ڤەگەڕێتە سەرێ لیستێ، ئەوچەندە ژی یا بسانەهی نینە.
یارییا نەورۆز هاتە پاشئێخستن
هەرچەندە چاڤەڕێ بوو سوبەهی تیما یانەیا نەورۆز بەر پایتەختێ ئیراقێ بەغدا بچیت ژبۆ ئەنجامدانا یارییا خوە یا ڤێ حەفتیێ بەرانبەر یانەیا جەوییە، لێ فدراسیۆنا فوتبۆلا ئیراقێ بڕیارا پاشئێخستنا یاریێ بۆ دەمەكێ نە دیار دایە، نەورۆز ل ڕێزا 14ێ دهێت ب كۆمكرینا 19 خالان ژ شەش سەركەڤتن، ئێك وەكهەڤی و 10 خوسارەتی هەنە.
ژ یاریێن یێن ڤێ حەفتیێ
رۆژا ئەینی 13- 2- 2026
مینا- ئەلغراف، دەمژمێر، سێیێ ئێڤاری.
ئەلكەرخ- تەلەبە، دەمژمێر 5:30 مەغرەب.
یاریێن رۆژا شەمبی 14- 2- 2026
نەفت میسان- ئەلقاسم، دەمژمێر سێیێ ئێڤاری.
دیالا- ئەلگەرمە، دەمژمێر 5:30 مەغەرب.
نەجەف- كارەبا، دەمژمێر 5:30 مەغرەب.
ل دووڤ لیستەیا هاتییە بەلاڤكرن یارییا نەفت بەرانبەر شورتە و زەورا بەرانبەر ئەمانەت بەغدا هاتینە پاشئێخستن بۆ دەمەكێ دی، ژبەر پشكدارییا هەردو یانەیێن شورتە و زەورا د قارەمانیێن ئاسیا دا كو دبیتە یاریا دویێ یێن هەردو یانەیا دهێنە پاشئێخستن.
هەلوەستێ گشتی بەری دەستپێكرنا هەڤڕكیێن گەڕا 18ێ ژ خولێ.
1- جەوییە 37 خال.
2- شورتە 35 خال و كێمترییا یارییەكێ.
3- ئەلگەرمە 34 خال.
4- هەولێر 34 خال.
5- تەلەبە 31 خال.
6- زەورا 31 خال و كێمترییا یارییەكێ.
7- كەرخ 28 خال.
8- زاخۆ 27 خال.
9- دیالا 27 خال.
10- دهۆك 25 خال.
11- ئەلغراف 23 خال.
12- ئەمانەت بەغدا 21 خال.
13- نەفت 21 خال.
14- نەورۆز 19 خال.
15- مووسل 18 خال.
16- مینا 18 خال.
17- نەفت میسان 13 خال.
18- كارەبا 11 خال.
19- نەجەف هەشت خال.
20- ئەلقاسم دو خال.
