ئەمریکا: رێککەفتن بۆ ئیرانێ باشترە
سەرۆکێ ئەمریکا جارەکا دی گەف ل ئیرانێ کرن و دیار کر، وەسا دیارە ئارمانجا ئیرانێ رێککەفتن نینە، دڤێت ئیران هەموو مەرجێن مە قەبوول بکەت، ب تایبەتی ژی ئەمریکا ئیرانەکا بێی چەکێ ئەتومی دڤێت و گرنگە ئیران دەست ژ بەرنامێ خوە یێ موشەکی ژی بەردەت، هەروەسا ژ بۆ رێککەفتنێ ئەمریکا هندەک مەرجێن دی ژی هەنە و دڤێت ئیران هەموو مەرجێن ئەمریکا قەبوول بکەت، هەکە ئیران کارەک وەسا نەکەت ئەمریکا دێ نەچار بیت بژاردەیا سەربازی ل دژی ئیرانێ بکار بینیت.
دۆنالد ترامپ ئەو یەک ژی دیار کر، گەمیێن شەڕی یێن ئەمریکا نێزیکی ئیرانێ بووینە، بۆ ئیرانێ باشترە ب جهێ شەڕی رێککەفتنێ قەبوول بکەت، بۆ ئیرانێ رێککەفتن گەلەک ژ شەڕی باشترە، ئیرانێ زێدە دەلیڤە نەمایە و دڤێت مەرجێن ئەمریکا قەبوول بکەت و هەکە ئیرانێ بڤێت ب رەنگەکێ دی ئاریشەیان دروست بکەت یان ژی بەردەوامیێ بدەتە بەرنامەیێ خوە یێ ئەتۆمی وی دەمی دێ یا پێدڤی ل دژی ئیرانێ هێتە کرن.
