ئەشق
هەلبەستا بازی
ئەشق حەزكرنەكا
خودایی یه
کەس نەشێت لێ ببیت رێگر
ئەشق سنووران نانیاسیت
دیوار و شفشەیێن زیندانان ناڕاگرن
ئەشق
یا كەڕ و لال و كۆرەیه
دهێت بێ ژڤان
لێ ژبیرنا کەت ئەڤینا ب خودان
ژ وێ دیتنا ئێكێ
بووم ئاشقا وێ بەژنا ته
یا وەکی وی پەیكەرێ
پەیكەرسازان ب جوانی
دروستكری
ب خەمل و کاركری
وان دو چاڤێن
مینا بهاران ب رەنگ
رەنگان د جوانییێ دا
دگوهۆڕن
لەوما ئەز ژی بوومە
شاگردەیا زینێ
ئاشق بووم
ل ئاخێ و ئالای و كوردینییێ
ل ئازادییا دەولەتبوونێ
ئاشقبووم
ل دلۆڤانییا دایكێ
ل ماندیبوونا بابێ
ل هێزا برای
ل هەڤالینییا خویشكێ
ئاشقبووم
ل وی زارۆیێ
نوی هاتی هەبوونێ
ئاشقبووم
و ئەشق نه تاوانه
پیرۆزییه.. دلسۆزییه
دلەکێ تژی هیڤی یە
ژیانا ئەشقێ
هەمی قوربانی یە
هەستەكێ تژی راستییه
عاشق بووم
ل بهۆستەکا ئاخێ
رێکا ئێکانە خۆگۆریکرنە
خۆگۆریکرنا وەلاتی
مەزنترین سەرفەرازییە
سۆراتییا خوینا شەهیدان
ژ بۆ رۆژا ئاشقان…
مەزنترین دیاری یە
مه زنترین دیاری یه
