ئەڤرۆ دێ باشترینێن پارێزگەهێ هێنە دیاركرن
چاڤەڕێ دهێتە كرن ئەڤرۆ ل دەمژمێر 10ی سپێدێ ل هۆلا كۆنفراسان یا زانكۆیا دهۆك دێ ڕێورەسمێن باشترین وەرزشڤانێن سالا 2025ێ ل سەر ئاستێ كچان یێن هەموو یارییان دیاركەن، پشتی لژنەیەكا تایبەت یا شارەزایێن بۆ وەرگرتنا داتا و زانیاریێن ڕاهێنەر و یاریزانێن پارێزگەها دهۆكێ د چالاكیێن ناڤخوە و دەرڤە دا، ئەوا دێ ژلایێ لژنەیا ئۆلمپییا دهۆكێ ب پشتەڤانییا پارێزگارێ دهۆكێ هێتە بڕێڤەبرن.
ل دووڤ ڕێورەسمێن خەلاتكرنێ دێ خەلاتكرن بۆ هەر ئێك ژ، پشتەڤانێن یانەیا زاخۆ هێتە كرن ئەوێن ل سالا بۆری خەلاتێ زە بێست یێ باشترین پشتەڤانێن جیهانی بدەستڤە ئیناین، دووڤدا دێ خەلات بۆ باشترین ڕاهێنەر یێن یاریێن كوم، دیسان باشترین ڕاهێنەر بۆ یاریێن كت، دووڤدا دێ خەلاتێ باشترین یاریزانێ كچ ل سەر ئاستێ كت دووڤدا یێ یاریێن كۆم.
هەر د مەراسیمێن خەلاتكرنێ دا دێ باشترین یاریزانێ كور بۆ یاریێن كت دووڤدا ل سەر ئاستێ یاریێن كۆم ژی هێتە دان، ل دووڤ مەراسیمان دێ ب بەرهەڤبوونا د. عەلی تەتەر پارێزگارێ دهۆكێ و هژمارەكا سەرۆك، یانە، فدراسیۆن، وەرزشڤانێن دێرین و چەند بەرپرسێن حوكمی و حزبی ل ئاهنگێ بن.
