ل شێلادزێ لەهیان زیان گەهاندیە مالان
ئامێدیێ، مەحمود نهێلی:
ژ ئەنجامێ بارینا بارانێن زۆر و بلندبوونا ئاستێ ئاڤا شیڤان ل شێلادزێ ئاڤ كەفتیە ناڤا جادەیێن باژێری و چوویە د ناڤا حەوشێن مالان و زیانێن مادی گەهاندینە وەلاتیان.
رزگار عوبەید، رێڤەبەرێ ناوچەودارییا شێلادزێ بۆ رۆژناما ئەڤرۆ دیار كر، راستە ئاستێ ئاڤێ ل هندەك شیڤێن ناڤا باژێری بلند بوویە و ئاڤ كەفتیە د ناڤ جادەیان دا و گۆت: «سوپاس بۆ خودێ چو زیانێن گیانی نەبووینە، دیسا زیانێن مەزن نەگەهشتینە وەلاتیان، ب تنێ ئاڤ چوویە د ناڤ حەوشێن مالان دا و زیان گەهشتیە جادەیان».
گۆت ژی: «تیمێن مە بەردەوام ل سەر كاری بووینە و نەهێلایە رێ رەوێن ئاڤێ بهێنە گرتن و لەهی گەلەك زیانان بگەهیننە وەلاتیان».
