هەلوەستێ گراهامی ل دۆر رۆژئاڤایێ کوردستانێ گرنگە
مەزلوم عەبدی فەرماندارێ گشتی یێ هێزێن سووریا دیموکرات د چارچۆڤەیێ پشکداریکرنێ د کۆنفرانسێ میونشنێ دا ل گەل سیناتۆرێ ئەمریکی و دۆستێ کوردان لیندسی گراهام کۆمبوو و پشتی کۆمبوونێ ژی دیار کر، هەلوەستێ گراهامی ل دۆر رۆژئاڤایێ کوردستانێ گەلەک گرنگە و د کۆمبوونێ دا سیناتۆرێ ئەمریکی و دۆستێ گەلێ کورد جارەکا دی پشتەڤانیا خوە بۆ مافێن گەلێ کورد ل سووریێ دیار کر و راگەهاند وان شیا رێگریێ ل هێزێن سەر ب شامێ بکەن و وەکو ئەمریکا ئەو کوردان ب تنێ ناهێلن و دێ کوردان ل سووریێ پارێزن و دڤێت کورد د دەستهەلاتا سووریێ دا پشکدار بن.
هەروەسا لیندسی گراهام سیناتۆرێ ئەمریکی ژی دیار کر، ئەو پشتەڤانیێ ل مافێ گەلێ کورد ل سووریێ دکەن و ئەو کوردان ب تنێ ناهێلن، وان شیا رێگریێ ل هێزێن سووریێ بکەن کو نەچنە دەڤەرێن کوردی و نها ژی دڤێت کورد ل سووریێ پێگەهێ خوە هەبیت و دڤێت زۆرداریا ل سەر کوردان ژی ب دووماهی بهێت.
