ئیران هۆشداریێ ددەتە کەنەدا
دوهی وەزارەتا دەرڤە یا کەنەدا د داخویانیەکێ دا دیار کر، وەکو کەنەدا ئەو پشتەڤانیێ ل بزاڤێن ئەمریکا و ئسرائیلێ یێن بۆ گوهۆڕینا دەستهەلاتا نها یا ئیرانێ دکەن، چونکی خەلکێ ئیرانێ دەستهەلاتا مەلایان نەڤێت و د خوەنیشادانێن ڤێ دووماهیێ ل ئیرانێ دا هێزێن ئێمناهیێ پتر ژ چهل هزار کەس کوشتینە و ئەو یەک ژی تاوانەکا گەلەک مەزنە و دڤێت دەستهەلاتا نها یا ئیرانێ بهێتە گوهۆڕین و کەنەدا سزا ل سەر هندەک بەرپرسێن ئیرانێ ژی سەپاندینە.
ل ئالیێ دی وەزارەتا دەرڤە یا ئیرانێ ژی ب توندی بەرسڤا کەنەدا دا و پەیڤدارێ وەزارەتا دەرڤە یا ئیرانێ دیار کر، مخابن کەنەدا و هندەک وەلاتێن ئێکەتیا ئۆرۆپا بووینە دارودەستێ ترامپی و ل گۆر بەرژەوەندیێن ترامپی کار دکەن، هەلوەستێ کەنەدا ل هەمبەر ئیرانێ ب چو رەنگەکێ ناهێتە قەبوول کرن و چو وەلاتەکێ ژی ئەو مافە نینە کو دەستێوەردانێ د کاروبارێن ناڤخوەیی یێن ئیرانێ دا بکەت و دڤێت هەر کەس رێزێ ل ئیرادەیا خەلکێ ئیرانێ بگریت.
