گوهۆڕین د وەرگرتنا پارەیێ ئاهێن خوارنـێ دا هاتە كـرن
دهۆك، دلۆڤان ئاكرەیی:
ڕێڤەبەرێ بازرگانیا ئاهێن خوارنێ ل پارێزگەها دهۆكێ دیاركر، گوهۆڕین د وەرگرتنا پارەی دا بۆ ڤێ سەبەتا ئاهێن خوارنێ هاتیە كرن و دبێژیت: دەست ب بەلاڤكرنا پشكا ئێكێ یا سەبەتا خوارنێ ل سەر هەمی وەلاتیان هاتیە كرن.
هەجەر تاهر، ڕێڤەبەرێ بازرگانیا ئاهێن خوارنێ ل پارێزگەها دهۆكێ بۆ رۆژنامەیا ئەڤرۆ دیار كر، گوهۆڕین د وەرگرتنا پارەی دا بۆ ڤێ سەبەتا ئاهێن خوارنێ هاتیە كرن و گۆت: «بۆ هەر كەسەكی گوژمێ هزار و 200 دیناران ژ بریكاران دێ هێنە وەرگرتن، بریكار ژی هزار و 250 یان هزار و 500 دیناران دێ ژ وەلاتیان وەرگرن، ئەڤ بڕیارە ل سەرانسەری ئیراقێ هاتیە دەركرن».
ناڤبری گۆت ژی: «كار دهێتە كرن، د دەمێ 15 رۆژان دا پشكا ئێكێ یا ئەڤ سالە ل سەر وەلاتیان بهێتە بەلاڤكرن و بەرهەڤی ژی دهێنە كرن، بەری مەها رەمەزانا پیرۆز پشكەكا دی ژی بگەهیت و ل سەر وەلاتیان بهێتە بەلاڤكرن».
