«دیدارا كەزی» بۆ خانمێن ئەكادیمی هاتە سازكرن
زنار تۆڤی:
وەزارەتا خواندنا بلند و ڤەكۆلینێن زانستی ل هەرێما كوردستانێ دوهی 15/2/2026 ب چاڤدێرییا وەزیرێ خواندنا بلند، دیدارەكا تایبەت ب ناڤێ «دیدارا كەزی» بۆ خانمێن ئەكادیمی ل سەر ئاستێ زانكۆ و ناڤەندێن زانستی یێن هەرێمێ ئەنجامدا.
عەباس ئەكرەم، پەیڤدارێ وەزارەتا خواندنا بلند و ڤەكۆلینێن زانستی ل هەرێما كوردستانێ دیار كر، ئەڤ دیدارە یا تایبەتە ب وان خانمێن ئەكادیمی یێن كو ل سەرۆكاتیا زانكۆیان، كۆلیژان و پشكێن جودا یێن زانكۆ و پەیمانگەهان خودان بەرپرسیارەتی نە، یان وەك مامۆستا و ڤەكۆلەر كاردكەن و گۆت: «د دیدارێ دا گەنگەشە ل سەر پێگەهێ زانستی و كارگێرییێ ژنان د ناڤ سازییێن خواندنا بلند دا هاتە كرن».
ناڤهاتی گۆتژی: «ئەڤ دیدارە ب تنێ بۆ گەنگەشەیێ نینە، بەلكو ل دووماهییێ هەموو پێشنیار و راسپاردە دێ هێنە بەرهەڤكرن، داكو ببنە بنەمایەك بۆ چاكسازییا سیاسەتا گشتییا وەزارەتێ، ب ئارمانجا ب هێزكرنا پێگەهێ خانمان و زێدەكرنا كارتێكرنا وان د ناڤەندێن زانستی و كارگێڕی یێن خواندنا بلند دا».
