پارێزگارێ دهۆكێ و شاندەكێ ئیراقێ دوپاتیێ ل خزمەتكرنا ئاوارەیان دكەن
د. عەلی تەتەر، پارێزگارێ دهۆكێ دوهی 15/2/2026 پێشوازی ل شاندەكێ ئیراقێ ب سەرئكاتیا د. خەلەف خدر، ڕاوێژكارێ سەرۆك وەزیرێن ئیراقێ بۆ كاروبارێن ئێزدیان و شاندێ د گەل دا كر و بەحس ل چاوانیا قەرەبووكرنا كەسوكارێن وان ئاوارەیان كر یێن د سالێن بۆری دا ژ ئەگەرێ روودانێن جودا گیانێ خۆ ژ دەست دای.
د ڕوونشتنەكێ دا ب ئامادەبوونا پیر دەیان جەعفەر، ڕێڤەرێ كۆچ و كۆچبەران و بەرسڤدانا قەیرانان ل دهۆكێ هەردو لایان بەحسێ ڕەوشا كەمپێن ئاوارەیان ب گشتی و كاروبارێن ئیداری و ڕێكخراوەیی و خزمەتگوزاری و چەوانیا قەرەبووكرنا كەسوكارێن وان قوربانیێن ل سالێن بۆری د ناڤ كەمپێن ئاوارەیان دا ژ ئەگەرێ روودانێن جودا گیانێ خۆ ژ دەست دای هاتە كرن.
دیسا شاندێ ئیراقێ سەرەدانا كەمپا باجد كەندالا ل سنۆرێ ئیدارا سەربخۆ یا زاخۆ كر و ژ نێزیك سەحكرە زیانێن ڕوودانا حەفتیا بۆری كۆ تێدا هەژمارەكا دوكانان هاتبوونە سۆتن.
