پێدڤیە سیاسەتا قەیوومان ل تورکیا ب دووماهی بهێت
فەتی یلدز جێگرێ سەرۆکێ گشتی یێ پارتا بزاڤا نەتەوەپەرست یا تورکیا و ئەندامێ کۆمسیۆنا ئاشتیێ د داخویانیەکێ دا دیار کر، گرنگە تورکیا ل گۆر قانوونێن ئێکەتیا ئۆرۆپا هندەک گوهۆڕینان بکەت، ئێک ژ وان بابەتان ژی قەیوومن، براستی ژ دانانا قەیوومان ب جهێ کەسەکێ کو ب دەنگێ خەلکی هاتیە هەلبژارتن شاشیەک گەلەک مەزنە، د دەمێن بۆری دا ئەو یەک ل تورکیا هاتە کرن و هەتا نها ژی وەلاتێن ئێکەتیا ئۆرۆپا نەرازیبوونا خوە ل هەمبەر تورکیا دیار کرینە، دڤێت نها سیاسەتا قەیوومان ل تورکیا ب دووماهی بهێت.
ناڤهاتی ئەو یەک ژی دیار کر، پێدڤیا تورکیا ب چاکسازیێن قانوونی و سیاسی هەیە، نها ل پەرلەمانێ تورکیا کار بۆ ڤان گوهۆڕینان دهێتە کرن، هندەک تشت هەنە دڤێت تورکیا ژ بۆ پاشەرۆژا خوە بکەت، سیاسەتا قەیوومان دێ تورکیا تووشی ئاریشەیێن گەلەک مەزن کەت و گرنگە ئێدی سیاسەتا قەیوومان ل تورکیا نەمینیت.
