باوەریا ئەمریکا ب لەشکرێ سووریێ ناهێت
فەرماندارەکێ ئەمریکا کو نەخواستیە ناڤێ وی بهێتە ئاشکرا کرن بۆ ئاژانسا رویترز دیار کریە، باوەریا ئەمریکا ب لەشکرێ نها یێ سووریێ ناهێت، چونکی د روودانێن ڤێ دووماهیێ دا دیار بوویە گەلەک کەسێن توندرەو د ناڤ لەشکرێ سووریێ دانە و دشێن مەترسیێن گەلەک مەزن بۆ ئەمریکا دروست بکەن، ژ بەر ڤێ یەکێ ژی ئەمریکا بریار دایە، کو هەموو هێزێن خوە ژ سووریێ ڤەکێشیت و ئەمریکا دێ چاڤدێریا رەوشا سووریێ کەت و هەکە مەترسی بۆ بەرژەوەندیێن ئەمریکا دروست بن وی دەمی دێ ئەمریکا دەستێوەردانێ کەت.
هەمان فەرمانداری ئەو یەک ژی دیار کریە، ئەحمەد شەرع هەتا نها ژی نەشیایە کۆنترۆلێ ل سەر لەشکرێ سووریێ بکەت، گەلەک گرۆپ د ناڤ لەشکرێ سووریێ دا هەنە گوهداریا شەرعی ناکەن و دشێن د پاشەرۆژێ دا مەترسیێن گەلەک مەزن بۆ سووریێ ژی دروست بکەن، لێ ئەمریکا دێ بەردەوام چاڤدێریا رەوشا سووریێ کەت.
