بڕیار د دەستێ من دایە
سەرۆکێ ئەمریکا د داخویانیەکێ دا بۆ دەزگەهێن راگەهاندنا ئەمریکا دیار کر، سەبارەت ب ئیرانێ تنێ ئەو دێ بریارێ دەت و بریارا شەرێ ل دژی ئیرانێ د دەستێ چو کەسێن دی دا نینە، لێ وەکو ئەمریکا وان دڤێت ب رێیا دانوستاندنان ئیرانێ نەچار بکەن دا داخوازیێن ئەمریکا قەبوول بکەت، هەکە ئیران ل سەر هەلوەستێ خوە یێ توند بەردەوام بیت بێگومان وی دەمی دێ ئەمریکا گەلەک رێیێن دی ژی ل دژی ئیرانێ بکار ئینیت.
دۆنالد ترامپ ئەو یەک ژی دیار کر، ئەمریکا ب چو رەنگەکێ رێ نادەت ئیران ببیتە خوەدانا چەکێ ئەتۆمی و دڤێت ئیران دەست ژ بەرنامێ خوە یێ موشەکی ژی بەردەت و هەتا نها ژی ئیران بەرهەڤ نینە داخوازیێن ئەمریکا بجه بینیت و هەڤدیتنێن ڤێ حەفتیێ دبیت دووماهی دەلیڤە بیت بۆ ئیرانێ و ئەمریکا دێ یا پێدڤی ل دژی ئیرانێ کەت، لێ د بەرژەوەندیا ئیرانێ دایە کو رێ نەدەت چو شەڕ روو بدەن.
