بازاڕەكێ ئەرزان ب پشكداریا 50 كۆمپانیان ل زاخۆ هاتیە ڤەكرن
زاخۆ، دلۆڤان هالۆ:
كوڤان ئاڤدەل، ڕێڤەبەرێ چاڤدێریا بازڕگانی ل ئیدارەیا سەربخوە یا زاخۆ بۆ ڕۆژناما ئەڤرۆ دیاركر كو ب هەلكەفتا هاتنا ڕەمەزانا پیرۆز، ئەو ژ لایێ ئیدارەیا سەربخوە یا زاخۆ ڤە هاتینە ڕاسپاردن بۆ ڤەكرنا بازارەكێ ئەرزان ل سیتی سەنتەر.
ڕێڤەبەرێ چاڤدێریا بازرگانی ل ئیدارەیا سەربخوە یا زاخۆ ئاماژە ب وێ چەندێ ژی كر كو مەرەم ژ ڤەكرنا ڤی بازاری ئەوە، وەلاتی مفادار بیت ژ كڕینا هەموو پێدڤیان ل جهەكێ و ب شێوەكێ ئەرزانتر ژ بازارێ گشتی و گۆت: «زێدەتری 50ی كۆمپانیان د ڤی بازاری دا پشكدارن، بەهرا پتریا ڤان كۆمپانیان پێدڤیێن تایبەت ب ڕەمەزانێ ڤە د فڕۆشن، وەكو: سپیاتی و ئاهێن خوارنێ، دیسا گەلەك جۆرێن ڤەخوارنان وەكو: شەربەت و چا و قەهوە و شیر، زێدەباری چەرەزات و شریناهیێن جەژنێ».
