پتریا خەلکێ کوردستانێ پشتەڤان و هاریکارێن شۆڕەشـێ بـوون
سالار محەمەد دۆسكی:
2-6
پێشمەرگێن ب دورستی ئەڤە بوون (سەید ئەحمەد، سەید تاها، سەید وەهاب، سەید حسێن، سەید ئەحمەد عەبدوللا، سەید عەلی، سەید یاسین، سەید ئەحمەد، سەید سالح، سەید عەلی) ئەڤە هەمی بوونە پێشمەرگە و دیسا خالێ من (سەید جلال) چەندین كەسایەتیێن دی ژی ل گەل هبووینە بوونە پێشمەرگە و خالێت من هەمی هاتنە رێكخستن و بتنێ خال من بابێ (عەبدولسەلامی) ل بەغدا بوو.
هەمان پێشمەرگەیێ شۆرشا گولانێ ئەو ژی گۆت: دەمێ شەر كەفتیە چیایێ مەتینا هەر دو دابێژن فلان گوند بلا نانی بینن بۆ پێشمەرگەی و هەر سێ چار رۆژا دا بیتە گەرا گوندێ مە و دا بێژن هندە نانا بینن و مالێن مە ل شەكەفتا ڤە بوون و رەڤین ژ بەر حوكمەتێ و بابێن مە دا ئاگری هەلكەن و هەتا سپێدێ دا بیتە پەل و دا ل بەر ئەوان پەلان روونەخوار و ژنكێن گوندی دا ب شەڤێ نانی پێژن و ب رۆژ دو هەتا سێ زەلامان دا وی نانی باركەن بۆ پێشمەرگەی بەرەف چیایێ مەتینی بەن و بیرا من دهێت ژ زەلامێن نان برین (بابێ من ، عبدالقادر و سەعید) بوون و بارەگ دو بارێن نانی ل دەواراكرن و بۆ پێشمەرگەی برنە چیایێ مەتینا.
هەمان پێشمەرگەیێ شۆرەشا گولانا پێشكەفتنخواز ئەو ژی گۆت: ئەم ماین هەتا سالا 1968ێ و زارۆكینی مرۆف گەلەك هەست ب كوردینیێ دكەت و قوتابخانێن شۆرشێ ل دەڤەرێ هاتنە ڤەكرن و ئێك ژ قوتابخانێن شۆرشێ ل گوندێ مە هاتەڤەكرن، و ناڤێ مامۆستایێ مە (محەمەد حەسەن) بوو خەلكێ گوندێ هرورێ بوو و خەلكێ گوندی خانیەك داڤێ وی وانە گۆتنە زارۆكێن گوندی و ل سالا 1968ێ و ئەم دو سالان چووینە قوتابخانێ ول سالا 1970 رێكەفتنا 11ی ئادارێ د ناڤبەرا حوكمەتێ و سەركردایەتیا شۆرشێ دا دروست بوو، وەختێ(محەمەد سالح) شەهید بووی ( سەید ئەحمەد) بەرپرسێ رێكخستنێ بوو و سەید (ئەحمەد) ل گەل پێشمەرگەیێن هەڤالێن خوە هەر هەمی دهاتنە گوندی و جهەكی ل پشتا گوندی مە دگۆتێ (نەهالێ) كانیكەك ل وێرێ بوو و هەمی ل وێرێ كومبوون و دروشم و هیتاف گۆتن و بیرا من دهێت دگۆتن بژیت پارتی و بژیت پێشمەرگە و وی دەمی ئەم بچوویك ژی بووین بەلێ ل گەل ئەڤا هیتافاتا ئەم گەش دبووین و كەیفا مە گەلەك دهات و سەید (ئەحمەد) و (سەلمانێ حەجی مەحمیدی) خودێ ژ هەمیان رازی بیت قارەمانەكێ باش بوو، و خەلكێ گوندێ بامەرنێ بوو هندەك پێشمەرگەیێن توڤی بوون وەكی (ئوسمان، سالحێ حەجی بابیری، حجی سالحێ كانی مەزنی، عەلیێ حسێنێ بریفكی) هەر هەمی خەلكێ گوندێن دەردور هەر هەمی دهاتن، و ئەو دەڤەرا من ئاماژە پێكری كوم دبوون و هتاڤات دگۆتن و بیرا من دهێت هندەك هەلبەستێن ( ئەحمەدێ نالبەند) دخاندن و نەبتنێ زەلام بەلكو ژنك ژی دهاتنە پێش و گوهداری یا هتافاتا دكر و بیرا من دهێت (سەید ئەحمەد) دا چیتە سەر بەرەكی و هتاڤا دا بێژیت و هەر هەمیان دەست بوو دقوتان و گەلەك كەیف پێ دهات و هەر هەمیان دگۆت بژیت كوردستان بژیت بارزانی و بژیت مەلا مستەفا بارزانی و سەرۆك و رێبەرێ كوردانی و ئەڤ گۆتنە ل بیرامن، پشتی خەزیرێ من شەهید بووی و پشتی بورینا پێنج هەیڤان ژ شەهید بوونا وی خودێ كورەك دایێ و ناڤێ وی كرە (محەمەد) ئەندازیارە بابێ سێ كچانە نوكە ل وەلاتێ ئەلمانیا دژیت.
هەمان پێشمەرگەیێ شۆرشا گولانا پێشكەفتنخواز ئەو ژی گۆت: ل سالا 1968ێ قوتابخانە هاتە ئەوا گوندان و ل خانیێ ئێكی دگۆتنێ سەعید چووبە بەر رەحما خودێ و دو ژوور هەبوون و ئێك داف قوتابخانێ و ئەم نێزیكی (28) قوتابیان بووین و ژ كچ و كوران بووین و هاتنە مالا مە و گۆتن دێ چینە مالا خزمەت گوزاری چنكە سەرێ شورەشێ بابێ من بەرهەڤی كربوون و هەمی تشتێن قوتابخانێ بەرهەفكربوون، و دوڤدا بۆ شۆرش و ئەوا ژی گۆتن بلا ئەڤ كەل و پەلە ل مالا خزمەت گوزاری بن و بابێ من خزمەت گوزار بوو، و بەرسفكەك هەبوو و ئەم هەمی قوتابی دناڤ بەرسفكێ دابووین و ئەم هەمی بچوویك بووین و یێ ژ هەمیان مەزنتر ئەز و كورمەتێ من خودێ ژێ رازی بیت بەری چەند سالان ل وەلاتێ فەرنسا چوو بەر دلوڤانیا خودێ و پتریا كچان قوتابخانە هێلا بتنێ ئێك دویەك مان، و دوڤدا جهێ مە یێ تەنگ بوو و ئەم چووینە خانیێ ئێكی دگۆتنێ(سەعیدێ خونافێ) ڤە ژوورەك داف مە و ژوورەكێ ئەو برا و زارۆكێن خوە تێدا ژیان و ژوورا دی قوتابخانە هاتە تێدا و سالەكێئەم ماینە تێدا وی دەمی خواندنا مە ل سەر پەرتووكێن لاتینی بوو و ئەف پەرتووكە ب هاریكاریا موقدەم (عەزیز ئاكرەیی) گەهشت بوونە قوتابخانا مە و ئەو قەهرەمانەكێ مەزن بوو و ئەوی پەرتووكەك ب لاتینی نڤێسی بوو و ل سەر بەرگێ وێ نڤێسی بوو دانە موقدەم (عەزیز ئاكرەیی) مە ب لاتینی دخان و هەتا نوكە ئەو لاتاینی ل بیرا مەیە و قوتابخانە بەردەوام بوو وەك پێشتر مە ئاماژە پێكری هەتا سالا 1970 بەردەوام بوو.
هەمان پێشمەرگەیێ شۆرشا گولانا پێشكەفتنخواز ئەو ژی گۆت: پشتی رێكەفتنا 11ی ئادارێ یا سالا 1970 چار سالێن خوشیێ ل كوردستانێ دروست بوون، و ئێدی بۆ سەربەستی و پێشمەرگەی هاتن و چوون دناف بازاری كر و دەرسوكێن سور ل سەری بوون و برنوو ب ملی ڤە بوون وەكی مرۆڤی دیتن چ خوشیا هوسا نەبوو وەكی مە خوشی دیتن ل دەف من ئەو چار سال بوون، ل سالا 1974 جارەكا دی بۆ شەر و شۆرشێ دەست پێكرو شەرەكێ گران دەستپێكر وی دەمی ژی و هەتا باژێرێ دهۆكێ دەستێ پێشمەرگەی دا بوو و بارەگایێ (ئەسعەد خوشەڤی) وی دەمی دناف بەردەواری یا بوو ل گوندێ (قومریێ) بوو.
