پاركەكا گشتـی یا مەزن ل باتیفا دێ هێتە دروستكرن

زاخۆ، دلۆڤان هالۆ:

فەرهاد مەحموود، دەڤەردارێ باتیفا بۆ ڕۆژناما ئەڤرۆ دیاركر كو ل دووڤ ماستەرپلانا باتیفا دیزاینێ پاركەكا گشتی یا مەزن هاتیە دانان و دبێژیت: ئەو پاركە ل سەنتەرێ‌ دەڤەرداریا باتیفا دێ‌ هێتە دروستكرن.
دەڤەردارێ باتیفا، ئاماژە ب وێ چەندێ ژی كر كو پشتی ڕازیبوون ل سەر گوهۆڕینا ماستەرپلانا باتیفا هاتیە كرن، وان چەندین جهێن گەشتیاری و پڕۆژەیێ دروستكرنا ڤێ پاركێ ژی ل ماستەرپلانێ زێدەكر و هاتە پەسەندكرن، و ڕازیبوون ژی ل سەر دورستكرنا وێ هاتیەكرن.
فەرهاد گۆت: «ئەڤ پاركە دێ بیتە پاركا دویێ‌ یا گشتی ل باتیفا، زێدەباری هەردو پاركێن تایبەت یێن زەمبیل فرۆش و سەید غەزال، كو ژ لایێ سەرمایەدارەكێ باتیفا ڤە هاتینە دروستكرن، و ڕەوشەكا جوانتر دایە دەڤەرێ».

کۆمێنتا تە