بەخشینا مامۆستایێن ئاینی ئەڤ سالە ژی دێ هێتە مەزاختن
هەولێر، قائید میرۆ:
پەیڤدارێ وەزارەتا ئەوقاف و كاروبارێن ئایینی ل حكومەتا هەرێما كوردستانێ دیاركر، ب فەرمانا سەرۆكێ حوكمەتا هەرێما كوردستانێ، ئەڤ سالە ژی بەخشینا مامۆستایێن ئایینی یێن خۆبەخش دێ هێتە مەزاختن و دبێژیت: فەرمانا مەزاختنێ هەتا دووماهیا ئەڤ سالە هاتیە نووكرن.
نەبەز ئیسماعیل، پەیڤدارێ وەزارەتا ئەوقافێ بۆ رۆژناما ئەڤرۆ دیاركر، ب فەرمانا سەرۆكێ حوكمەتا هەرێما كوردستانێ ژ سالا بۆری وەرە دەست ب مەزاختنا بەخشینا مەهانە بۆ مامۆستایێن ئایینی یێن خۆبەخش هاتیە كرن و گۆت: «هەموو مامۆستایێن خۆبەخش ل سەرانسەری هەرێما كوردستانێ ژ بەخشینا سەرۆكێ حوكمەتێ مفاداربووینە، بڕیار هاتیەدان بۆ ئەڤ سالە ژی یێ بەردەوامبیت».
نەبەز ئیسماعیل گۆت ژی: «ل هەرێما كوردستانێ هزار و 500 مامۆستایێن ئایینی هەنە و ب شێوەیێ خۆبەخش كار دكەن و نەهاتینە دامەرزاندن، هەر ئێك ژ وان مەهانە دێ 250 هزار دیناران وەكو بەخشین وەرگریت، ئەم هەموو بزاڤەكان بۆ دامەزراندنا وان مامۆستایێن ئایینی دكەین».
