پـەیـام و بەهـی، ڕامانێن وێ!
پەیاما ئەڤرۆ یا سەرۆك بارزانی، پەیامەكە ژ گیانێ ئاشتییانە و هێزا بەرەنگارییا كوردی دەركەفتییە؛ ئەو گیان و هێزا كو بزاڤا سیاسی یا كوردستانێ پێ هاتیە ڤەهاندن و هەتا نوكە ژی هەر یا بەردەوامە.
واتایێن د ناڤ پەیامێ دا: ل هەر دەرەكێ كێشە، ئاریشە و شەڕەك هەبیت، كوردستان ل چارەسەرییا ئاشتییانە دگەڕیێت، ل هەر دەرەكێ ژی زۆرداری و ستەم هەبیت، ب چو ڕەنگان كورد زۆرداریێ قەبوول ناكەن و هێزا بەرەنگاریێ دێ ڕووبڕووی وێ بیتەڤە.
سەرۆك بارزانی د پەیاما خوە دا، ب ڕۆهنی و ئاشكرایی ئەڤ چەندە ب هەموویان گۆت و دیسا ئەو ڕاستییا ڕۆهن دوپات كرەڤە و گۆت: ئەم ب ئاشتییانە هزر دكەین، لێ (بێهنفرهیێ و خۆ ڕاگرتنێ ژی سنوور هەنە) و دێ ڕێگریێ ل زۆرداریێ كەین.
هەر پشتی پەیاما خوە یا مێژوویی، سەرۆكی سەرەدانا پرسەیا وی شەهیدێ مەزلووم (ولات تاهیر) كر، یێ كو شەڤا دەربازبووی ب ئەگەرێ هێرشا درۆنی یا گرۆپێن ژ یاسایێ دەركەفتین، گیانێ خوە فیدایێ نیشتمانی كری و گەهشتییە كاروانێ شەهیدان.
سەرۆك بارزانی د ناڤ پرسێ دا، ب وێنە، دەنگ و ڕووخسارێ خوە یێ كارێزمایی ب هەموویان گۆت: گەل بلندترینە، شەهید عەزیزترینن و سەركەفتن هەر بۆ گەلێ كوردستانێ یە.
