هەر جهەكێ فرۆتنا چەرەز و شریناهییان پێگیری رێنوماییان نەبیت دێ هێتە سـزادان
دهۆك، لەزگین جۆقی:
دەڤەردارێ دهۆكێ راگەهاند، پشتی لژنا دووڤچوونا بازاڕی یا سەر ب رێڤەبەریا دەڤەرداریا دهۆكێ ڤە سەرەدانا چەندین جهێن فرۆتنا شیرناهی و چەرەزاتان كری، چەندین رێنومایی دەرئێخستن.
بریندار حەیدەر، دەڤەردارێ دهۆكێ راگەهاند، ژبۆ رێگرتن ل چكلێتێن دەم ب سەرڤەچووی د ناڤ بازاڕی دا، چەندین رێنومایی بۆ بازرگان وەلاتیان هاتنە دەرئێخستن، ژ وانا: وەلاتی ل دەمێ كڕینا چكلێتا فەل، ئانكو نە د ناڤ كارتۆن و كیسكی دا، ئاگەهداری مێژوویا وان بیت و گۆت: «پێدڤیە دوكاندار بۆ وەلاتیان دیار بكەت، ل دەمێ چكلێتا فەل دفرشیت، كارتۆن و كیسكێ وێ یێ ڤالا ل نك وی بیت، ئەگەر نە دێ پێرابوون ل گەل هێنە وەرگرتن».
ئەڤ رێنمایە د دەمەكی دانە، جاران حالەت هەبووینە چكلێتا دەم ب سەرڤەچووی هاتیە فرۆتن و لیژنە شیایە دەست ب سەردا بگریت.
