بێهنا عەشقێ
سەرگول مزووری/ ئەلمانیا
تاما مرنا هۆزانەکێ
من ددەنگێ تەدا ددیت
دەنگێ بوویە باغ
بۆ ئەڤینەکا خاپینۆک
د دەراڤکا جۆکێن وی
یێن هشك دا
بەری شین ببن، ببنە سنێلە
مرنێ هەمبێز کرن
مرنا ئەڤینەکا دوڕاو
پەیڤێن تە کرنە مەیدان
هەسپێن رەحمەتییێ وی
یێ ل چەروانێ هەڤشییێ
هێژ بهار نەدی دگەڕکن
د مالباتا ترسێ ئاڤاکری دا
ئەڤین شەڕە
هشبە و خۆ ڤەشێرە
دیوار هەمی یێن بووینە گوهـ
دێ بێژنە وی
تو نە کچا گوهی
عەسمانێ مە لێ دبارن
ئاخ گوهدێرییا ڤڕان دکەت
ل جهێ بارانێ ڤڕ دبارن
