پڕۆژەیێ ئاڤا 51 گوندێن دەڤەرا بارزان دێ هێتە ڤەكرن
رەمەزان زەكەریا:
كارێن پڕۆژەیێ ستراتیژیێ ئاڤا 51 گوندێن دەڤەرا بارزان ب دووماهی هاتیە و بڕیارە پشتی جەژنێن ڕەمەزان و نەورۆزێ ب فەرمی بهێتە ڤەكرن، پڕۆژە ب گوژمێ 135 ملیار و 500 ملیۆن دیناران ل سەر بودجا وەزارەتا باژێرڤانیێ هاتیە بجهئینان و ئاریشەیا كێمئاڤیێ بۆ زێدەتر ژ 35 هزار كەسێن ئاكنجیێن دەڤەرێ دێ چارەسەر كەت.
ئەندازیار زیاب میقداد، بەرپرسێ فەرمانگەها ئاڤا بارزان بۆ ئەڤرۆ گۆت: «ئەڤ پڕۆژە، ئێكە ژ پڕۆژەیێن گرنگ یێن حكومەتا هەرێما كوردستانێ و ژێدەرێ وی ڕووبارێ شینەیە ل بالندا، د شیان دایە پڕۆژە د هەر دەمژمێرەكێ دا هزار و 200 مەترێن سێجا یێن ئاڤا پاقژ ل گۆڕەی ستانداردێن جیهانی دابین بكەت».
ناڤبری گۆت ژی: «پڕۆژە ب ڕاسپاردەیا ڕاستەوخۆ یا مەلا مستەفا بارزانی و ب كوالیتەیەكا گەلەك بلند هاتیە بجهئینان، نوكە پڕۆژە د قووناغا تێستێ دایە و بڕیارە پشتی جەژنێن ڕەمەزان و نەورۆزێ بهێتە ڤەكرن، دیسا پڕۆژە ل دەڤەرا بارزان و هەموو گوندێن بلێ، پشكەك ژ گوندێن گۆڕەتوو و سێ گوندێن دینارتە بخوە ڤە دگریت، كو ژ باڵندا دەست پێدكەت هەتا دگەهیتە گوندێ شیڤەدز».
