ب ئامادەبوونا د. سالار عوسمان «تاو میدیا» دەست ب كارێن خۆ كر
ب ئامادەبوونا د. سالار عوسمان، بەرپرسێ پشكا ڕەوشەنبیری و ڕاگەهاندنا پارتی، د. خانزاد ئەحمەد، ئەمیندارا گشتی یا جڤاتا بلندا خانمان و هەژمارەكا ئەندام و هەڤالێن پشكێ، ڕێڤەبەر و ستافێ تاو میدیا و هەژمارەكا بەرچاڤ یا ئافرەت و نڤیسەر و میدیاكارێن ئافرەت، د ڕێوڕەسمەكێ دا ل رۆژا 15/3/2026 (تاو میدیا) وەكو پلاتفۆرمەكێ نوو یێ میدیایی دەست ب كارێن خۆ كر.
د. سالار عوسمان ئەڤ پێنگاڤە بلند هەلسەنگاند و ب دەستپێشخەرییەكا گرنگ وەسف كر بۆ خزمەتكرن و پشتەڤانیكرنا زێدەتر یا پرسەیێن ئافرەتان و دووپاتكر، كو هەبوونا دەزگەهەكێ ب ڤی شێوەی دێ بیتە مینبەرەكا كاریگەر بۆ گەهاندنا دەنگێ ئافرەتان و بەرگریكرن ژ مافێن وان.
