30 یەكەیێن ئاكنجیبوونێ ل زاخۆ ل سەر خێزانێن ئێتیم دێ هێنە بەلاڤكرن
زاخۆ، دلۆڤان هالۆ:
گوهدار شێخۆ، سەرپەرشتێ ئیدارەیا سەربخوە یا زاخۆ د كۆنگرەیەكێ ڕۆژنامەڤانی دا دیاركر كو ل دووڤ بەرنامێ ئیدارەیا سەربخوە یا زاخۆ یێ بۆ مەها ڕەمەزانا پیرۆز دارێژتی، 30 یەكەیێن ئاكنجیبوونێ ل سنۆرێ ئیدارەیا سەربخوە یا زاخۆ دێ هێنە بەلاڤكرن.
سەرپەرشتێ ئیدارەیا سەربخوە یا زاخۆ خویا ژی كر كو قووناغا ئێكێ یا بەلاڤكرنا ڤان یەكەیێن ئاكنجیبوونێ ب دووماهی هاتیە و دەست ب قووناغا دووێ هاتیە كرن و هەتا دووماهیا مەها ڕەمەزانێ دێ یا بەردەوام بیت و گۆت: «خێزانێن ئێتیم و كرێدار و نەخوەشێن نەخوەشیێن دۆمدرێژ هەین، دێ ژ ڤان یەكەیێن ئاكنجیبوونێ مفادار بن».
گۆت ژی:»ئەڤ یەكەیێن ئاكنجیبوونێ ژ لایێ لیژنەیەكا بسپۆر ڤە ل سەنتەرێ باژێڕێ زاخۆ و دەڤەرداریا باتیفا و ناوچەداریێن ڕزگاری و باتێلێ و بێگۆڤا دهێنە بەلاڤكرن».
