هاریكاریێن دراڤی ل سەر خێزانێن كێم دەرامەت ل باتیفا هاتنە بەلاڤكرن
زاخۆ، دلۆڤان هالۆ:
دلڤین عوبەید، ڕێڤەبەرا چاڤدێری و گەشەپێدانا جڤاكی ل دەڤەرداریا باتیفا بۆ ڕۆژناما ئەڤرۆ دیاركر، ل سنۆرێ دەڤەرداریا باتیفا و ناوچەداریا بێگۆڤا هاریكاریێن دراڤی ل سەر خێزانێن كێم دەرامەت هاتنە بەلاڤكرن.
ڕێڤەبەرا چاڤدێری و گەشەپێدانا جڤاكی ل دەڤەرداریا باتیفا گۆت: «ئەڤ هاریكاریێن دراڤی ل دووڤ وی بەرنامەی بوو، یێ ژ لایێ ئیدارەیا سەربخوە یا زاخۆ هاتیە داڕێشتن ژ بۆ هاریكاریا كەسێن كێم دەرامەت د مەها ڕەمەزانا پیرۆز دا».
گۆت ژی:»دەڤەرداریا باتیفا ب هەڤكاری ل گەل ڕێڤەبەریا چاڤدێری و گەشەپێدانا جڤاكی ل باتیفا ئەڤ هاریكاریێن دراڤی گەهاندنە وان خێزانێن كێم دەرامەت».
