بابێ من ب تەختێ زیندانێ ڤە دهاتە گرێـدان و ئەشكەنجەدان
سالار محەمەد دۆسكی:
6-7
ئەز هاتم و چووم ئەوێ شەڤێ چنە و شەڤا پاشتر ئەز چوومە گوندێ (سەرەرو) چوومە ئاقارێ(سوریا) (محەمەد)ەك مە هەبوو دگۆتنێ (محەمەد عبدوللا) گەلەك حەش من دكر و من گۆتێ(محەمەد) ئەمێ رێكخستنەكێ دكەین و ئەز حەز دكەم توژی بهێ یە ل گەل مە و گۆت ئەز حەز دكەم بهێمە ل گەل هەوە بەلێ نوكە راوستە و بەلا خوە ژ من ڤەكەن و من هندەك ئاریشە ل گوندی هەنە و من گۆتێ بلا، ئەف (ئەحمەد عەبدوللا) ئەز ژێ بێژم ئەز چوومە پشت پەنجەرا وان من ل پەنجەرا وان دا خویشكا وی هاتە بەر پەنجەرێ و هەما ل بەر پەنجەركێ و دەرگەه نەڤەكر و ترس بوو و حەق بوون و خویشكا وی گۆت خێرە من گۆتێ كا بێژە برایێ خوە دا بهێت گۆت برایێ من ل مال نینە من گۆتێ من ل كونا پەنجەركێ رادیتی یە و بێژێ بلا بهێت و ئێكسەر برایێ وێ هات و من پرسیار ژێ كرن و دووڤ دا گۆت تو ل چ گەری من گۆتێ ئەزێ ل رێكخستنێ دگەریم و پیچەك خوە تورە كر و گۆت مالا تە خودێ ئاڤاكری دێ نوكە مالێ ل مەدەیە خرابكرن، من گۆتێ ئەزدێ چم بەلێ تودێ پەشێمان بی و جارەكێ ژی ئەف بابەتە من ژ ئێكی گولێ ببیت دێ ئیبادا مالا هەوە كەم چونكە ئەڤە تشتەكێ بچوویك نینە ئەز پرسیار كەم و ئەڤە تشتەكێ گەلەك مەزن و تو ئەندامێ لژنا محلی نوكە تو بێی ی دێ ئێك زەربەكی ل مە دەت و دێ كەڤینە كەمینێن تە سەرا تە دێ ئیبادا مە هێـتەكرن من گۆتێ سەرا من بلا ئیبادا كەسەكێ نەهێتەكرن و من گۆتێ هەرە نە پەیوەندیێ و نە بو پرسیارێ ب مە نەكە، چووم دەنگو باسێن دەڤەرێ هەر ژ زاخو هەتا دگەهیتە مویسل و دەڤەرا سوران من نڤێسین و من كرنە راپورت و من رادەستی دەستێ (عەگید)كرن و دێ بیە (نەغد)ێ و (ئازاد یان فازل میرانی) بیت دێ رادەستی دەستێ وان كەی ل بارەگایێ بارزانی گۆت بلا بابێ من ژی ل (كرماشان)ە دێ چم وی ژی بینم و من ژی راپورتا خوە نڤێسی و من رادەستی (عەگید) كر و من گۆتێ زوی بزڤرە ڤە و خوە گیرونەكەی و (عەگید) چوو و (17) رۆژا نەهات و چ دەنگ و باسێن وی نەبوو و هەر مە چ ژێ نەزانی و چ ئامیرێن پەیوەندێ نەبوون وی دەمی و رۆژەكێ مامێ من هات و مامێ من موختارێ گوندێ(بێدهێ) بوو گۆت(عەلی) من گۆتێ بەلێ مام گۆت حوكمەتا پرسیارا (عەلی) دكەت و من گۆتێ كێ پرسیار كر ؟ وی گۆت رێڤەبەرێ ناحیێ پرسیارا وی دكر و من گۆتێ بۆچی تو پرسیارا من كەی مامەكێ وی ل مویسلە و مامەك ل دهۆكێ یە و وەختەكی مالا وی ل حەبانیێ بوو و رەنگە چوبیتە وێرێ و من گۆتێ ئەز نوزانم، مامێ من گۆت ئانكو تو چ ژێ نوزانی من گۆتێ نەخێر و من بابەت ل بەر بەرزەكر ب هەر رێكەكا هەبیت و ئەز هەرو ئێڤارەكا درەنگ ل بەر خانیێ وارا دەربازدبم و ب ئاماژا ل گەل مالا وا تاخفم كا هاتیە نەهاتیە ب ئاماژ ئەو بەرسفێ دەن و دبێژن نەهاتیە، رۆژەكێ بەر دەرگەهی را بوریم و خویشكا وی ل بەر دەرگەهی بوو من ئاماژە دانێ كو برایێ تە هاتیە ب ئاماژا گۆتی هاتیە و كەیفا من هات و من گۆتێ بێژێ دەمژمێر (10) بهێـە (سەركراسكی) گورستانەك ل وێرێ یە ئەم دێ ئێك دو بینین، بۆ دەمژمێر(10) و (عەگید) بەرهەڤی وی جهی بوو و من گۆتێ بخێرهاتی تە چ دكر بۆچی گیربووی؟ گۆت سیچێن من نەبوون و سیپێن وان بوون و من راپورتا تە رادەستی كاك (فازل میرانی)كر و (فازل و ئازاد)ی راپورتا تە برە دەف (مەلا مستەفا بارزانی) و (عەگید) بەردەوامی دا گۆتنێن خوە و ژ زاردەفێ(فازل میرانی) ڤە دگوهێزیت گۆت پشتی ئەو كاغەز كەفتیە دەستێ(مەلا مستەفا بارزانی) خواندی و گۆت ئەگەر مە مرۆڤێن وەك ڤان مە هەبن شورەشا بەردەوامە و گۆت بەرسف یا هاتیە نڤێسین نوزانم (ئدریس بارزانی یان مەلا مستەفا بارزانی) نڤێسی یە و سوپاسیا تە كریە و من گۆتێ باشە تو بۆچی گیروبووی؟ گۆت ئەوا گۆتە من كاغەزا نەبە و ئەگەر ئێك كاغەزێ فتە بگریت ئێكسەر دێ هێ یە سێدارەدان و (عەگید) گۆت من گۆتێ من سێدارەدان بخوە دانایە لەوما من كاغەز ئینایە و دێ كاغەزێ بەم ژی و سێدرەدان چنینە و ئەوانژی گۆت بوویێ چەند رۆژا دەلیڤێ بدەمە و ئەوژی ئەوا رۆژا سەرەدانا بابێ خوە كربوو و ئەو (شەعبان غەفار) پێكڤە ژ ئیرانێ ڤەگەریا بوون و هەتا گەهشتینە مال و گۆت توزانی (ئەحمەد)ی چكریە؟ من گۆتێ بەلێ گۆت مرۆڤەكێ ئینای ناڤێ وی فلان كەسە، من گۆتێ یا مە چوو گۆت چەوا چوو من گۆتێ بەلێ چوو و گۆت چەوا من گۆتێ ئێدی ئەم نەشێین رێكخستنێ بكەین و من گۆتێ ئەگەر ئەڤە بزانیت ئەم كینە سوباهی دێ بوومە فەوجێ ئینتە ڤێرێ و ئەم ب ساخی دێ كەڤینە دەستان و دێ مە هەمیان سێدارەدەن، من گۆتێ ئەز دێ چمە ئیرانێ و ئەز ئێدی نەشێم ل ڤێرەبم كاغەز من نڤێسی بوو و بەرسڤا ژ ئیرانێ زڤری ژی هەر یا دەستێ من دا و ئەز ل سەر بانی نڤستم و وەختەكی درەنگی شەڤ بوو و من دیت دەنگێ كەسەكی یێ دهێت و ئەزێ هشیارم و خەوا من ناهێت ژ ترسان و هزران دا و گەهشتە گورەپانا قوتابخانێ و نێزیكی من بوو گازی كر كاك (عەلی) كاك(عەلی) من ژی سەرێ خوە ژووردا برە خوارێ و من گۆتێ تو كی گۆت ئەز فلانم من گۆتێ تە خێرە گۆت ئەزێ هاتیم ئەو كاغەزا (ملا مستەفا بارزانی) بوو هەوە هنارتی نیشا من بدە من گۆتێ كاغەزا چ؟ گۆت كاغەز (مەلا مستەفا بارزانی) بەرسفا كاغەزا هەوە دایە و من گۆتێ ئەڤە كێ گرتیە هەوە گۆت فلانی یا منزانی (ئەحمەد)ی یا گۆتیێ و من گۆتێ هەرە ئەوێ گۆتیە تە كاغەزا ل دەف فلانی هەر یا لدەف وی بخوە ئەوە یێ رێكێ بەرزە دكەت هەرە بخوە ژ وی وەربگرە و هەر گۆت و گۆت من گۆتێ من ئاگەه ژ چ كاغەزا نینە و ئەز ژ ئەڤان شولان هەمیان یێ ژێ دوورم و چوو و سپێدێ هاتەڤە و گۆت(ئەحمەد)ی گۆت من گۆتێ ژ خوە وەدبێژیت وە نینە و پشتی چووی، مە دەست هاڤێتێ و مە كارێ خوە كر و (ئەز، مالا محەمەد ساح و مالا عبدولرەحمانی، مالا محەمەد سەلیم) گەلەك بوون و بخێزان و زارۆك ڤە مە كارێ خوە كر و ئەم بەرەف وەلاتێ توركیا ڤە چووین، هەر وێ رۆژێ بابێ من هاتە دەستەسەركرن و هاتە رەوانەكرن بۆ كەلها نزاركێ ئەڤە ل سالا 1975ێ بوو و ئێدی مە ئاگەهـ ژ بابێ من نەما و ئەم (16) رۆژا ماینە ب رێ ڤە هەتا گەهشتینە ئیرانێ و ئەم هاتینە دەستەسەركرن چونكە لێبورین ب دووماهی هات بوو و بزاف هاتنەكرن ئەم بهێنە رادەستكرن بۆ حوكمەتا ئیراقێ و پاشی خودێ هوسا حەسكر ئەم رادەستی حوكمەتا ئیراقێ نەكرین و ئەم هاتینە ئازادكرن.
هەمان پێشمەرگەیێ هەر دو شۆرەشێن ئیلۆن و گولانێ زێدەتر بەحسێ دەستەسەكرنا بابێ خوە دكەت و گۆت: بابێ من ژ كەلها نزاركێ هاتە ڤەگوهاستن بۆ باژێرێ مویسل و پاشی هاتە ڤەگوهاستن بۆ باژێرێ كەركووكی و ب تەختی ڤە هاتەگرێدان و گەلەك هاتە ئەشكەنجەدان و نێزیكی دو سالان ما دزیندانێ دا و جامێرەكی جارەكێ گۆت ئەڤە هەوە بۆچی ئەڤ پیرەمێرێ بێ جارە ئینایە ڤێرێ ئازاد كەن بلا بچیتە مالا خوە و گرتنا بابێ من سەرا من و برایێ من بوو و ئەمر هەر دو ب بووینە پێشمەرگە.
هەمان پێشمەرگەیێ شۆرەشا ئیلۆن و گولانێ ئەو ژی گۆت: 23 سالان ئەز مامە ل وەلاتێ ئیرانێ ب خێزان و زارۆك ڤە.
