یێ پیڤەرێ ئاڤێ گرێنەدەت رێكارێن یاسایی ل هەمبەر دێ هێنە وەرگرتن
دهۆك، دلۆڤان ئاكرەیی:
ڕێڤەبەرێ گشتی یا ئاڤ و ئاڤڕێژان ل هەرێما كوردستانێ دیاركر، ئەو وەلاتیێن هەتا نوكە پیڤەرێ ئاڤێ گرێ نەدای یان وەكو هەڤپشك خۆ تۆمار نەكرین، ب تنێ 15 رۆژ ل بەر دەستێ وان ماینە، دا كو مفای ژ بڕیارا داشكاندنا كرێیا ئاڤێ وەربگرن، پشتی دەمێ دیاركری ب دووماهی دهێت، رێكارێن یاسایی ل بەرانبەر دێ هێنە وەرگرتن.
ئاری ئەحمەد، ڕێڤەبەرێ گشتی یێ ئاڤ و ئاڤڕێژان ل هەرێما كوردستانێ بۆ رۆژنامەیا ئەڤرۆ گۆت: «ئەو وەلاتیێن پیڤەرێ ئاڤێ گرێ نەدای، پێدڤیە ب زووترین دەم سەرەدانا ڕێڤەبەریێن ئاڤێ یان ئۆفیسێن كۆمپانیان ل باژێڕ و باژێڕۆكان بكەن؛ چونكی ل رۆژا 1/4/2026 دێ ئەو دەمە ب دووماهی هێت و ل دویڤ بڕیارا جڤاتا وەزیران ب چ ڕەنگان ناهێتە درێژكرن ڤە».
بۆ زانین، ب تنێ سێ رۆژ ل بەر دەستێ وەلاتیان ماینە، كو مفای ژ ڤێ دەلیڤێ وەربگرن و پشتی ڤی دەمی داشكاندن دێ هێتە هەلوەشاندن.
