بەرەڤانیا باژێڕی ل دهۆكێ: 14 روودانێن لەهییان هاتینە تۆماركرن
دهۆك، لەزگین جۆقی:
پەیڤدارێ رێڤەبەریا بەرەڤانیا باژێڕی ل پارێزگەها دهۆكێ دیاركر، د ماوەیێ چەند رۆژان دا هەتا نوكە ل پارێزگەها دهۆكێ 14 روودانێن لەهییان چێبووینە و دبێژیت: ب مخابنی ڤە روودانەكا خەندقینێ چێبوویە.
بێوار عەبدولعەزیز، پەیڤدارێ رێڤەبەریا بەرەڤانیا باژێڕی ل پارێزگەها دهۆكێ بۆ رۆژناما ئەڤرۆ گۆت: «ل دەڤەرداریا سێمێلێ ئاڤ چوویە د ناڤ مالەكێ دا، هەروەسا جهەكێ شووشتنا ترۆمبیلان ژی زیان گەهشتینێ ل سێمێلێ و ئاڤ چوویە د ناڤ ترۆمبێلەكێ دا، دیسا ل گوندی میسكا زارۆكەك د ناڤ ئاڤێ دا خەندقییە، پشتی چار رۆژان لاشێ وی زارۆكی ژ ئاڤێ هاتیە دەرئێخستن، ل گەلیێ دهۆكێ ژی كەڤر هاتینە خوار، چەند مالێن دی ژی هەبووینە ئاڤ چوویە د ناڤ دا».
