بەرپرسێن دەولەتێ ژی پشکدار بوون
سەزایی تەمەللی جێگرێ سەرۆکێ فراکسیۆنا دەم پارتی ل پەرلەمانێ تورکیا بەحسێ کۆمبوونا دووماهیێ یا ل گەل ئۆجەلانی ل ئیمرالیێ کر و راگەهاند کو د کۆمبوونێ دا شاندەکێ پایەبلند یێ دەولەتا تورکیا ژی پشکدار بوون و بریارە د دەمەکێ نێزیک دا قانوونێن نوو بۆ پێشڤەبرنا قووناغا ئاشتیێ ل پەرلەمانێ تورکیا دەرکەڤن.
ناڤهاتی ئەو یەک ژی دیار کر، یا نها روو ددەت دانوستاندنێن فەرمی نە، ئانکو بەرپرسێن تورکیا ئێدی ب فەرمی دانوستاندنان ل گەل ئۆجەلانی دکەن و ئەنجامێن وان دانوستاندنان ژی دێ د پاشەرۆژێ دا دیار بن، لێ گرنگە دەستهەلاتا نها ب کریاری هندەک پێنگاڤان بهاڤێژیت و نیەتا خوە یا پاک بۆ چارەسەرکرنا پرسا کوردی نیشا بدەت، راستە ئاستەنگی هەنە، لێ تورکیا دشێت هەموو پرسێن خوە ب تایبەتی ژی پرسا کوردی چارەسەر بکەت و ژ بۆ ڤێ یەکێ ژی گرنگە قانوونێن نوو بۆ چارەسەریێ ل پەرلەمانێ تورکیا دەرکەڤن.
