رێڤەبەرییا رێك و پڕان ل دهۆكێ: پلانەك بۆ چێكرنا رێكا ئالۆكا بـۆ بەدریكـێ هاتیە دانان
دهۆك، لەزگین جۆقی:
رێڤەبەرا رێك وپڕان ل پارێزگەها دهۆكێ راگەهاند، رێكا ژ بەدریكێ هەتا ئالۆكا و دۆڕیانا پارێزگەها دهۆكێ رێكەكا كەڤنە و گەلەك قەرەبالغ ل سەر هەیە، دیسا پرا ئالۆكا نەیا گونجایە بۆ رێكا دهۆكێ بۆ بەدریكێ، ئەو پرا یا بەرتەنگە و دبێژیت: مە پلانەكا دەستپێكی بۆ چێكرنا رێكا دۆڕیانا دهۆكێ هەتا ئالۆكا و بەدریكێ چێكریە.
خەدیجا مەحمەد، رێڤەبەرا رێك و پڕان ل پارێزگەها دهۆكێ بۆ ئەڤرۆ گۆت: «مە پلانەک بۆ رێكا ئالۆكا بۆ بەدریكێ دانایە، لێ ئاریشە ئەوە، هەتا رێكا باعەدرێ بۆ دهۆكێ ب دووماهی نەهێت، ئەم نەشێین كار ل سەر رێكا ئالۆكا بۆ بەدریكێ بكەین».
گۆت ژی: «پرا ئالۆكا دێ هێتە بلندكرن و بەرفرەهكرن و جادە ب شێوازەكێ گەلەك باش دێ هێتە چێكرن و دیزاینێ وێ ژی هاتیە ئامادەكرن».
