پەڕلەمانتارەك: بڕیار ل سەر مەزاختنا شایستەیێن گەنمێ جۆتیارێن هەرێمـێ هاتەدان
زاخۆ، دلۆڤان هالۆ:
جوتیار خدر سندی، ئەندامێ فراكسیۆنا پارتی ل جڤاتا نوونەرێن ئیراقێ بۆ ڕۆژناما ئەڤرۆ دیاركر كو پشتی وان نڤیسارەك ل دۆر مەزاختنا شایستەیێن گەنمێ جۆتیارێن هەرێما كوردستانێ پێشكێشی محەمەد شیاع سودانی، سەرۆك وەزیرێن ئیراقی كری و دبێژیت: ب سوپاسی ڤە بڕیار ل سەر نڤیسارا مەزاختنا شایستەیێن گەنمێ جۆتیارێن هەرێما كوردستانێ هاتەدان.
ناڤهاتی گۆت: «مە نڤیسارەكا دی ژی ل دۆر ئاریشەیێن بازرگانێن هەرێما كوردستانێ پێشكێشی نڤیسینگەها سودانی كر، ب مەرەما دووڤچوون و هەلسەنگاندنێ، بۆ تەمامكرنا رێكارێن پێدڤی دێ بەردەوام ل گەل نڤیسینگەها سەرۆكوەزیرێن ئیراقێ د پەیوەندیێ دابین».
گوت ژی: «ئەڤ هەردو نڤیسارە ل دەمێ سەرەدانا شاندێ مە یێ فراكسیۆنا پارتی ل جڤاتا نوونەرێن ئیراقێ ب سەرپەرشتیا فەرهاد ئەترووشی، جێگرێ سەرۆكێ پەرلەمانێ ئیراقێ بۆ دەف محەمەد شیاع سودانی هاتنە پێشكێشكرن».
