چارەیەكێ ل ڤێ ئاڤڕێژێ بكەن؟
سندس سالح سلێڤانەیی:
ئاڤڕێژا د وێنەی دا دیار، دكەڤیتە تاخێ نزاركێ بەرامبەر ئاڤاهیێ بنگەهێ سەخبیریا كارەبا ئێتیتێ و ئەڤە دەمەكە ئاسنێ وێ یێ سەری كو وەك (قەپاغ) دهاتە بكارئینان نەمای و نوكە دەرێ وێ یێ ڤەكریە و ڤێ چەندێ مەترسی ل سەر خەلكێ وی تاخی و هەموو وان كەسان كریە ئەوێن هاتنوچوونێ ل وێ جادەیێ دكەن.
مشیر گەنجەكێ وی تاخی یە، مالا وی دكەڤیتە نێزیكی وێ ئاڤڕێژی دبێژیت: پشتی ئاسنێ وێ یێ سەری نەمای نوكە ئەڤ ئاڤڕێژە بوویە جهێ مەترسیێ نە بەس بۆ زارۆكان، بەلكو بۆ مەزنان ژی و خودێ نەكەت هەكە كەسەك كەفتە تێدا رزگاربوون ژێ دێ یا ب زەحمەت بیت، چونكو پتری مەترەكێ یا كوورە و ل بن ئەرد ژی گەلەكا درێژە، لەورا پیدڤیە باژێرڤانیا رۆژهەلات هەرز زوو د هاوارا ڤێ ئاڤڕێژێ بهێت، چونكو دكەڤیتە سەر رێكا دەواما وان یا رۆژانە، ئانكو پتریا ئەندازیار و فەرمانبەرێن رێڤەبەریا باژێرڤانیا رۆژهەلات رۆژانە هاتنوچوونا وان ل سەر ڤێ رێیێ یە و پێدڤیە وان ب خۆ ژ مێژە هەستپێكربا و هاتبا چارەكرن.
