ل عەفرینێ خوەنیشادان بۆ هەرێما کوردستانێ هاتنە کرن
ب سەدان وەلاتیێن کورد ل باژێرێ عەفرینێ یێ رۆژئاڤایێ کوردستانێ دەست ب خوەنیشادانەکا مەزن کرن و دژبەریا خوە ل هەمبەر ئێرشێن ل سەر هەرێما کوردستانێ دیار کرن و راگەهاندن کو هەرێما کوردستانێ هەردەم ل دژی شەڕی بوویە و سەرۆک بارزانی هەردەم دیار کریە ئەو ئالیگرێ ئاشتیێ نە، ژ بەر ڤێ یەکێ ژی ئەو ئێرشێن نها ل سەر هەرێما کوردستانێ دهێنە کرن ب چو رەنگەکێ ناهێنە قەبوول کرن و دڤێت گرۆپێن چەکدار ئێرشێن خوە بدەنە راگرتن.
خەلکێ عەفرینێ ئەو یەک ژی دیار کرن، بەردەوامیا ئێرشان دێ بیتە ئەگەرێ ئالۆزیێن نوو، دڤێت حوکمەتا ئیراقێ ب ئەرکێ خوە رابیت و رێ نەدەن گرۆپێن چەکدار ئێرشی هەرێما کوردستانێ بکەن، هەرێما کوردستانێ ناڤەندا ئارامیێ و پێکڤەژیانێ یە ل ئیراقێ و ژ بەر ڤێ یەکێ ژی د بەرژەوەندیا ئیراقێ دایە کو رێ نەدەت رەوشا ئارام یا ل هەرێما کوردستانێ تێک بچیت، وەکو کوردین عەفرینێ ئەو ب هەموو رەنگەکێ پشتەڤانیا خوە بۆ هەرێما کوردستانێ دیار دکەن.
