هژماره‌كا كه‌سانێن دى يێن ره‌ڤاندين خوه ژ سوريا گه‌هانده توركيا
ئه‌ڤرۆ نيوز، له‌زگين جۆقى:
حسێن كورو ئيبراهيم به‌رپرسێ نڤيسينگه‌ها ره‌ڤانديێن ده‌ستێ داعش ل دهۆكێ ژ لايێ حوكمه‌تا هه‌رێما كوردستانێ ڤه بۆ ئه‌ڤرۆ نيوز گۆت: “نوكه شه‌ش كه‌س كو دو ژن و چار زارۆنه ژ ده‌ستێ داعش رزگار بوون و به‌ر ب توركيا چوون و ژ وێرێ ژى دێ ڤه‌گه‌رنه ناڤ هه‌رێما كوردستانێ”.
زێده‌تر گۆت: “ئه‌ڤه ئه‌و كه‌سانێن ئێزدى نه يێن ژ شنگال به‌ر ب ره‌قه يا سورى برى، ژ وێرێ شياينه خوه قورتال بكه‌ن و به‌ر ب سنورێن توركيا چووينه و بڕياره هه‌تا ئێڤارى ژى بگه‌هنه هه‌رێما كوردستانێ”.
هه‌ر ئه‌ڤرۆ ژى هاته راگه‌هاندن كو 18 ژنێن دژى ژ ناڤ ده‌ستێ داعش رزگار بووينه هاتينه هه‌رێما كوردستانێ و سه‌رجه‌مێ گشتيێ كه‌سانێن رزگاربوويێن ناڤ ده‌ستێ داعش ژى هه‌تا 16ى نيسانا 2015ێ گه‌هشتبوونه هزار و 483 كه‌سان كو ژ وان 293 زه‌لام و 724 ژن و 266 زارۆنه كو ژ وان ژى 242 كوڕ و 225 كچ بوون.
