باشترە کەسێن ساخلەم ژی ڤێ پشکنینێ بکەن
د.زەكی عەلی بهرواری تایبهتمهندێ نهخۆشیێن دل و هناڤا و پهنجهشێرێ و نهخۆشیێن خوینێ دیاركر كو پشكنینا گشتی یا خوینێ (CBC) كو گهلهك یا گرنگه ههر نهخۆشهك ل دهمێ سهرهدانا نوشداری دكهت وێ پشكنینێ بكهت، چونكو گهلهك پێزانینان ل سهر رهوشا نهخۆشی ددهته دیاركرن وهكو خرۆكێن سۆر و سپی و تهپكێن خوینێ و گۆت: ب تنێ ب شێوێ وان نۆشدار دشێت نهخۆشیێ دهستنیشان بكهت و بزانیت دێ ب چ شێوه چارهسهریا نهخۆشی كهت.
ههروهسا دیاركر كو مهرج نینه ب تنێ نهخۆش ڤێ پشكنینێ ئهنجام بدهت، بهلكو هندهك جارا مرۆڤێ ساخلهم ژی باشتره ئهنجام بدهت، بۆ نهخۆشان ل وی دهمی دهێته چێكرن دهمێ مه گومان ههبوو وی نهخۆشیهكا خوینێ ههیه، وهكو كێمخوینی، ئاریشێن خرۆكێن سۆر و سپی، تهپكێن خوینێ و ژبلی ئهو پشكنینا ب ئامیرهی دهێته چێكرن، باشتره چپكهكا خوینێ ب رێكا مایكروسكوبی بهرێخودانێ لێ بكهین و شێوێ وان بزانین ب مهرهما دهستنیشانكرنێ و گۆتژی: گهلهك جارا یا گرنگه ههر شهش ههیڤا یان سالێ جارهكێ مرۆڤ ب خۆ هندهك پشكنینان چێكهت و ئێك ژوانژی یا خوینێ یه و بۆ دیارببیت كا خوینا وی چاوانه و چ ئاریشه دگهل قهرحا مهعیدێ و پهنجهشێرا خوینێ ههنه، چونكو دبیت هندهك نهخۆشی هێدی هێدی پهیداببن و نهخۆش پێ نهزانیت و ب رێكا ڤێ پشكنینێ دهستنیشان ببن.
د. زەكی عەلی بهرواری دیاركر ژی كو ئهڤ پشكنینه گهلهك یا ب ساناهیە و ههتا رادهیهكێ مهزن نهخۆش مفای ژێ دبینن و نهخۆشیێن وان دهستنیشان بكهت.
