ئیرادە ب هێزترە
خوزیك حەمید خالد
وەك یا دیار ئەو باردوخ و كاودانێن ئەم هەموو نوكە تێدا دبۆرین گەلەك دسەخت و دژوارن و روژانە گەلەك دەنگوباسان دناڤ سوشیالێ دا دبینین و گوه لێ دبین، بەلێ ئەڤە وێ چەندێ نا گەهینیت كو ئەم هەموو دەستبەرداری ژیانا خۆ بین، ئانكو ب شێوەیەكی دی دێ كەسەك بێژیت ئەرێ ما یا بەرئاقلە د نوكە دا ئەم ببینە كەسێن ئەرێنی و گەشبین، ددەمەكی دا كو باردوخ یێ دژوارە، دراستی دا یا ب زەحمەتە بەلێ چێنابیت ئەم خۆ ڕادەستی باردوخی بكەین، لەورا یا پێدڤیە مە ئیرادە هەبیت كو ئەم دشێین د هەموو كاودانان دا دەربازدبین دا كو ئەم هێزا خۆ ژ نەرێنی و ڕەشبینیێ ب پارێزین، هەروەسا دناڤبەرا خۆدا خو ژ بەلاڤكرنا گۆتگۆتكێن نەرێنێ ب پاڕێزین و بشێین كەشەكێ ئارام پەیدابكەین و نەبینە ژێدەرێ دل نەرەحەتیێ بو ئێك و دو و پێدڤیە ئەم پتر د گەشبین بین و خۆ ژ وێ گێلەشۆكا هزرو بیران و دەنگوباسێن سەختە ب پارێزین.
ئەڕێ گەلو وەك دبینین مە هەموویان كاودانێن دژوارتر دەربازكرینە و دپشت راستبن ئەڤە ژی دێ دەربازبیت، بەلێ تشتێ گرنگ ئەوە ئەم هێز و ئیرادەیا خۆ ژدەست نەدەین بەرامبەر هەر رەوشەكێ، ئانكو پێدڤیە ئەم دخۆ ڕاگربین و ب نووچەیێن بێ بنەما و تەیسوك خۆ نەترسینین، چنكو ئەم كورد هەردەم خودان هێز و ئیرادەینە، هەروەسا مە پێشمەرگە و هێزێن ئێمناهیێ یێن چالاك هەنە و ئەو هەردەم د ئامادەباشیێ دا و ب هووری چاڤدێریا هەر پێشهاتەكێ دكەن و بتنێ یا ل سەرمە پێدڤی ئەم پالپشت و پشتەڤانێن وان بین و هەكە مە تشتەك دیت كو دێ ئێمناهیا باژێرێ مە تێكدەن ئێكسەر دەزگەهێن خۆ یێن ئێمناهیێ ئاگەهدار بكەین و ئەڤە چەندە ئەركێ مە هەموویان و هەردەمێ ئەم هەموو بووینە ئێك و ئارمانجا مە پاراستنا وەلاتێ مە بیت ب پشت راستیڤە ئەم دێ ب سەر كەڤین و چو دوژمن و نەیار نەشێن زۆریێ ل مە بكەن، یان ئێمناهیا باژێڕێ مە و وەلاتێ مە كوردستانا خۆشتڤی تێك بدەن و بلا ئەم هەموو د پشتڕاستبین مە سەركردایەتیەكا حەكیمانە یا هەی و چو جاران خۆ ل بەر دوژمنان نەچەماندیە و هەتا مرنێ خۆ ناچەمینین ژی.
