ئسرائیل: چو کارمەندێن مە ل ستەنبۆلێ بریندار نەبووینە
دوهی ل باژێرێ ستەنبولێ ل تورکیا چەند چەکداران ئێرشی کۆنسلخانا ئسرائیلێ کرن و هێزێن ئێمناهیێ یێ تورکیا ژی هەر زوو بەرسڤا ئێرشکاران دان و د ئەنجاما شەڕی دا دو کەس هاتنە کوشتن و چار کەس ژی بریندار بوون، لێ وەزارەتا دەرڤە یا ئسرائیلێ راگەهاند کو د ئەنجاما ئێرشێ دا چو زیان نەگەهشتینە کارمەندێن وان.
ل ئالیێ دی عومەر چەلیک پەیڤدارێ ئاکپارتیێ دیار کر کو ئەوا هاتیە کرن ئێرشەکا تیرۆرستیە و وان دڤێت رەوشا تورکیا ئالۆز بکەن، لێ هێزێن تورکیا شیان ئێرشا تیرۆرستی ژناڤ ببەن و دو تیرۆرست ژی ب برینداری هاتینە دەستەسەر کرن و گەلێ تورکیا ئێرشا تیرۆرستی یا ل ستەنبولێ ب توندی شەمزار دکەت.
هژمارەک ژ سەرکردەیێن پارتێن سیاسی ل تورکیا ژی ب داخویانیێن جودا جودا دیار کرن کو هندەک هێز دخوازن تورکیا ژی راکێشنە ناڤ شەڕی نها ل دەڤەرێ، لێ تورکیا پشکەک ژ شەڕی نها نینە و تورکیا کار بۆ ئارامیێ ل رۆژهەلاتا ناڤین دکەت.
