د. سالار عوسمان سەرەدانا مالپەڕێ فەرمی یێ پارتی دكەت
د. سالار عوسمان، بەرپرسێ پشكا ڕەوشەنبیری و ڕاگەهاندنا پ. د. ك، ب هەڤالینیا ئەندامێن پشكێ، سەرەدانا مالپەڕێ فەرمی یێ پ. د. ك كر و ب هەلكەفتا بۆرینا 15 سالان ل سەر دامەزراندنا مالپەڕێ فەرمی یێ پارتی، پیرۆزباهی ل ڕێڤەبەر، ستافێ نڤیسینێ، ڕۆژنامەنڤیسان و هەموو هەڤكارێن مالپەڕی كرن.
د. سالار عوسمان د سەرەدانا خۆ دا، ب گرنگی باس ل ڕۆلێ مالپەڕێ فەرمی یێ پارتی كر، وەكو سەكۆیەكێ میدیایی و پیشەیی و ڕاستگۆ، كو شیایە بەرپرسیارانە خزمەتا رێبازا پیرۆزا بارزانی بكەت و گۆت: «مالپەڕێ فەرمی د ماوەیێ ژییێ خۆ دا، وەكو ژێدەرەكێ باوەرپێكری، هەردەم ل رێزێن پێشیێ یێن داكۆكیرنێ بوویە ل پرەنسیپێن نەتەوەیی و ڤەگوهاستنا ڕاستییان ب زمانێ سەردەمیانە».
