تورکیا پێدڤی ب دەمیرتاشی یە
محەمەد مەتینەر ئەندامێ بەرێ یێ پەرلەمانێ تورکیا سەر ب ئاکپارتیێ دیار کر، د رەوشا نها دا پێدڤیا تورکیا گەلەک ب دەمیرتاشی هەیە، چونکی ژ بۆ پێشڤەبرنا قووناغا ئاشتیێ و بەردەوامیا پرۆسیسا چارەسەریێ دڤێت دەمیرتاش بهێتە ئازاد کرن و هەروەسا گرنگە گوهداریا وی بهێتە کرن.
ناڤهاتی ئەو یەک ژی دیار کر، دەمیرتاش هەردەم پشتەڤانێ قووناغا ئاشتیێ بوویە و بەری نها ژی دادگەها مافێن مرۆڤی یا ئۆرۆپا بریارا ئازادکرنا وی دایە، گرنگە دادگەها تورکیا ژی پێگیریێ ب بریار دادگەها ئۆرۆپا بکەت و دەمیرتاش بهێتە ئازاد کرن، دەمیرتاش دشێت رۆلەک گەلەک مەزن و کاریگەر بۆ بەردەوامیا قووناغا ئاشتیێ بگێریت.
ئەو یەک د دەمەکێ دایە کو بەری نها چەندین جاران کەسایەتیێن جودا جودا ل تورکیا داخوازا ئازادکرنا دەمیرتاشی کرینە، لێ هەتا نها ژی سەلاحەدین دەمیرتاش هەڤسەرۆکێ بەرێ یێ هەدەپێ د زیندانێ دایە و نەهاتیە ئازادکرن.
