ئەو زەلامێ د (55) سالان دا گوندێ خۆ كریە دارستان
رەمەزان زەكەریا
ل گوندێ باراڤا موسا ل ئاكرێ چیرۆكەكا ژینگەپارێزی و دلۆڤانیێ هەیە (مام نیعمەت) زەلامەكێ (70) سالی یە كو پتریا ژیانا خۆ بۆ كارەكێ پیرۆز تەرخانكریە، ئەوژی بۆ چاندنا داران و كەسككرنا دەڤەرێ یە.
مام نیعمەت بۆ ئەڤرۆ گۆت: دژیێ (15) سالیێ دا من ەست ب چاندنا نەمامان كریە ئەڤرۆ كو (55) سال ب سەر وێ رۆژێ دا دەرباز دبن شیامە ب هزاران داران ل گوندێ خۆ بچینم و دەڤەرێ بكەمە دارستانەكا پڕ ژ دارێن فیقی و كارێ من هندێ مەزن و كاریگەرە كو هندەك دبێژن هەژی وێ چەندێی ناڤێ تە د پەرتووكا گینیس یا ریكۆردێن جیهانی دا بهێتە تۆماركرن.
هەروەسا گۆت : ئەو دارێن من ب دەستێن خۆ چاندین ئەڤرۆ هەموو بەرهەم ددەن ژوان ژی هرمیك، حلیك، قەیسی، هنار، خوخ و تری و چەندین جۆرێن دی یێن فێقی و ڤان داران ب مولكێ گشتی دزانم و بەرهەم بۆ هەمووانە، بۆ زانین نوكە ژیێ من گەهشتیە (70) سالیێ بەلێ هێشتا ب هەمان مۆرالا بەرێ و ب دلسۆزی خزمەتا دارێن خۆ دكەم و ئارامی و بەختەوەرییا خۆ د ناڤ كەسكاتیێ دا دبینم.
