گەشتا ئەڤینێ
سەگڤان ئەحمەد
من جانەك دیت ل سەیرانێ
د ناڤ کولیلکێن نیسانێ
ڤێککەفتن عەورێن ڤیانێ
ئەڤین باری دگەل بارانێ
٭٭٭
چاڤێت من و وێ ڤێککەفتن
هەردو دل دگەل ئێك ئاخفتن
مە پەیماندا ئەم ڕێککەفتن
ئەم نا شکێنین وێ پەیمانێ
٭٭٭
ژ کولیلکێن ڕەنگێ خوینێ
من چێکر تاجا ئەڤینێ
من گۆتێ وەرە نارینێ
من دەینات سەر سەرێ جانێ
٭٭٭
ب ڤێ گەشتێ یێ دلشادم
ئەو شرینه ئەز فەرهادم
دەستا ژ عەشقا وێ بەرنادم
هندی بمینم ل ژیانێ.
