کورد ژ سەرەدەریا دەولەتا تورکیا دلگرانن
ئایشەگۆل دۆغان پەیڤدارا دەم پارتیێ دیار کر، سەرەدەریا دەستهەلاتێ ل دۆر پێشڤەبرنا قووناغا ئاشتیێ بوویە جهێ دلگرانیا هەموو کوردان ل تورکیا، چونکی ژ ئالیێ پەکەکێ ڤە گەلەک تشت هاتنە کرن و ل هەمبەر دا دەولەتا تورکیا هەتا نها ب کریاری چو نەکریە و ئاکپارتی ئاستەنگان ژی ل هەمبەر دەرئێخستنا هندەک یاسایان ل پەرلەمانی دروست دکەت و گەلەک تشت ژی هەتا نها نەهاتینە کرن و ئەو یەک ژی بوویە جهێ دلگرانیا کوردان.
ناڤهاتیێ ئەو یەک ژی دیار کر، نابیت دەولەتا تورکیا ب رەنگەکێ تەکتیکی سەرەدەریێ ل گەل قووناغا ئاشتیێ بکەت، چونکی بابەت تنێ راگرتنا شەڕی نینە و دڤێت پرسا کوردی ل تورکیا بهێتە چارەسەرکرن، بەری نها بەرپرسێن دەولەتێ دگۆتن دێ پرسا کوردی ل پەرلەمانی هێتە چارەسەرکرن، لێ هەتا نها پەرلەمانی نەشیایە چو یاسایان بۆ ئاشتیێ و چارەسەرکرنا پرسا کوردی دەرخینیت و بێگومان کورد ژ رەوشا نها دلگرانن و دڤێت ب کریاری هندەک تشت بهێنە کرن.
چاڤدێرێن سیاسی ژی دیار دکەن، هەتا نها ژی نیەتا دەولەتا تورکیا ل دۆر قووناغا ئاشتیێ یا باش نینە و دەولەتێ دڤێت ل ژێر ناڤێ ئاشتیێ کوردان بخاپینیت و ئەو یەک ژی ناهێتە قەبوول کرن.
