هەر ملەتەك ب خۆ گونجاندنێ پێش دكەڤیت
بێوار حەمدی
خدر دۆملی، ڕاهێنەرێ نێڤدەولەتی و ڕێڤەبەرێ مەدیایا سەربەخۆ ژبۆ ڕاهێنانێ، د دیدارەكێ دا بۆ ڕۆژناما ئەڤرۆ گۆت: نێزیكی (23) سالانە ئەز راهێنەرم دگەل رێكخراوێن ناڤخۆی ونێڤدەولەتی و مە خول وورك شوپێن جودا جودا ڤەكرینە و سێ جۆرێن خولان هەنە ژوان، كو ڤەكرنا خولێ ل دوووف داخوازیا جهی یە و ئەو دیاردكەن بابەتی، جاران ژی ل دوووف پرۆگرامێن رێكخراوان دهێنە دانان و جاران ب ڕێیا راگەهاندنێ دهێنە ریكلامكرن.
هەروەسا گۆت: د نوكە دا جڤاكێ مە پێدڤی ب چەندین خولێن جۆرا و جۆر هەیە وەكو (خولێن ب هێزكرنا باوەریا گەنجان ژبۆ وەلاتی، خۆ گۆنجاندن دگەل تەكنۆلوژیایێ، خولێن سەركردایەتی، رەوشەنبیریا گشتی، ئێكگرتنا جڤاكی، خولێن یاسای ژی، چونكو جڤاكێ مە یێ پێدڤیە پتر رۆلێن خۆ یێن تاكی ومافێن خویێن ڕەوا بزانن وپتریا جاران ڕێكخراو ب ڤەكرنا خولان ڕادبن، لەوما كێم ژخەلكی پارەی ددەن ژبۆ بشكداریكرن دخولێ دا، ژبەرهندێ ژی یا گرنگە دام ودەزگەهێن حكومی بگشتی سالانە پلان هەبن، ژبەركو مللەتێ مە ب گەشەپێدانێ وخۆ گۆنجاندن دگەل تەكنۆلوژیایێ و مەدەنیێ پێش دكەڤن.
