ناهێلین هندەک کەس ئالۆزیان دروست بکەن
دەولەت باخچەلی سەرۆکێ پارتا بزاڤا نەتەوەپەرست یا تورکیا دوهی د کۆمبوونا پارتا خوە ل پەرلەمانێ وی وەلاتی دا دیار کر، هندەک کەس نها بەحسێ هەلبژارتنێن پێشوەخت ل تورکیا دکەن، ئارمانجا وان کەسان تنێ ئەوە دا ئالۆزیان دروست بکەن، چونکی نها رەوشا دەڤەرێ گەلەک ئالۆزە و تورکیا د قووناغەکا گەلەک هەستیار دایە و دڤێت هەموو هێزێن سیاسی هەست ب بەرپرسیاریا خوە یا دیرۆکی بکەن، لێ مخابن هندەک کەس دخوازن ژ بۆ بەرژەوەندیێن خوە یاریێ ب چارەنڤیسێ تورکیا بکەن، لێ ئەم رێ نادەین.
باخچەلی سەبارەت ب قووناغا ئاشتیێ ژی دیار کر، دڤێت پەرلەمانێ تورکیا ب کارێ خوە رابیت و دڤێت د زووترین دەم دا یاسایێن پێدڤی بهێنە دەرخستن، مخابن لیژنەیێن پەرلەمانی گیرۆ بووینە و ئەو یەک ژی ئاریشەیەکا مەزنە و دڤێت د زووترین دەم دا یاسایێن پێدڤی بهێنە دەرخستن، چونکی نها پتر ژ هەر دەمەکێ تورکیا پێدڤی ب ئاشتیێ یە.
