پارێزگارێ دهۆكێ: گرنگە هەماهەنگی د ناڤبەرا سازیێن حكومی و رێكخراوێن نێڤدەولەتـی دا هەبیت
د. عەلی تەتەر، پارێزگارێ دهۆكێ دوهی 21/4/2026 پێشوازی ل توبای هاروێرد، «Toby Harward» سەرۆكێ ڕێكخراوا UNHCR ل ئیراقێ و نوونەرێ كۆمسیۆنا بلندا پەنابەران و شاندێ د گەل دا كر و د ڕوونشتنەكێ دا بەحسێ رەوشا ئاوارە و پەنابەران ب گشتی و گرنگیا بەردەوامیا هەماهەنگیا هەڤپشك یا سازیێن حكومی و ڕێكخراوێن نێڤدەولەتی بۆ پێشكێشكرنا خزمەتگوزاریێن بەردەوام ل كەمپێن ئاوارەیان هاتەكرن، بڕیارە شاندێ ناڤبری ژ نێزیك سەرا كەمپێن ل سنۆرێ پارێزگەها دهۆكێ و ئیدارا سەربخۆ یا زاخو بدەت.
پارێزگارێ دهۆكێ پەسنا ڕۆلێ ڕێكخراوا ناڤبری د بیاڤێ پێشكێشكرنا هاریكاریێن جوراوجور دا بۆ كەمپێن ل سنۆرێ پارێزگەهێ و هەرێما كۆردستانێ و ئیراقێ كر، ژ لایێ خۆڤە سەرۆكێ ڕێكخراوێ دەستخۆشی ل حكومەت و خەلكێ خۆجهێ پارێزگەها دهۆكێ كر، بۆ وی ڕۆلێ مەزن و مرۆڤی یێ د سالێن بۆری دا، د حەواندن و هاریكاریكرنا ئاوارە و پەنابەران دا گێڕای.
