ئیرانێ ب سەدان وەلاتیێن کورد دەستەسەر کرینە
رێکخستنا مافێن مرۆڤی یا رۆژهەلاتێ کوردستانێ دیار کر، پشتی شەڕێ ٤٠ رۆژان یێ د ناڤبەرا ئیرانێ ل گەل ئەمریکا و ئسرائیلێ دا هێزێن ئیرانێ ل باژێرێ کرماشان یێ رۆژهەلاتێ کوردستانێ نێزیکی دوسەد وەلاتیێن کورد ب بەهانەیێن جودا جودا دەستەسەر کرینە و هەروەسا ل باژێرێن سنە، ئورمیێ، مەریوان، سەقز و باژێرێن دی یێن رۆژهەلاتێ کوردستانێ ژی ب سەدان وەلاتی هاتینە دەستەسەرکرن.
هەمان رێکخستنێ ئەو یەک ژی دیار کریە، هێزێن ئێمناهیێ ب بەهانەیا هندێ کو وان کەسان ڤیدیۆیێن دەمێ بۆمبەبارانان بۆ دەزگەهێن راگەهاندنا دەرڤە هنارتینە و مەترسی بۆ ئیرانێ دروست کرینە، ب ڤێ بەهانەیێ دەستەسەر کرینە و هەتا نها ژی هەوا دەستەسەرکرنا خەلکی بەردەوامە.
رێکخستنا مافێن مرۆڤی یا رۆژهەلاتێ کوردستانێ ئەو یەک ژی دیار کریە، ل باژێرێن دی یێن ئیرانێ ژی هەتا نها چەند هزار کەس هاتینە دەستەسەر کرن و دەستهەلاتا ئیرانێ ژ ترسا خوەنیشادانان هێزێن ئێمناهیێ ل هەموو باژێرێن ئیرانێ و رۆژهەلاتێ کوردستانێ بجه کرینە.
