مەزنترین نەخۆشخانەیا پەنجەشێرێ ل سەر ئاستێ ئیراقێ ل هەرێمێ دهێتە ئاڤاكـرن
دهۆك، دلۆڤان ئاكرەیی:
پەیڤدارێ وەزارەتا ساخلەمیا حوكمەتا هەرێما كوردستانێ دیاركر، مەزنترین نەخۆشخانەیا تایبەت ب نەخۆشیێن پەنجەشێرێ ڤە ل سەر ئاستێ هەرێما كوردستانێ و ئیراقێ، ل هەولێرێ دهێتە ئاڤاكرن.
دكتۆر سەركار سوورچی، پەیڤدارێ وەزارەتا ساخلەمیێ بۆ رۆژنامەیا ئەڤرۆ گۆت: «نەخۆشخانەیا تایبەت ب نەخۆشیێن پەنجەشێرێ ڤە، ل سەر رووبەرێ 30 هزار مەترێن دوجا دهێتە ئاڤاكرن و ژ پێنج نهۆمان و 200 تەختان پێك دهێت، نووترین و پێشكەفتیترین ئامیرێن نۆشداری دێ بۆ هێنە دابینكرن، دا كو هەمی پێدڤیێن نەخۆشان د ناڤ نەخۆشخانەیێ دا بەردەست بن».
گۆتژی: «پڕۆژە ب نێزیكی 165 ملیار دیناران و ب دەستێ كارێ ناڤخۆیی دهێتە ئاڤاكرن و ڕۆژانە 100 كرێكار و چەندین ئەندازیار ب بەردەوامی كار تێدا دكەن، ئاڤاكرنا ڤێ نەخۆشخانەیێ ژ لایێ حكومەتا هەرێما كوردستانێ ڤە، گاڤەكا گرنگە بۆ پێشئێخستنا ژێرخانا ساخلەمیێ.
